Guwahati : आसाम प्रदेश कंग्रेस कमिटि सुंद'यै ए पि सि सि नि दैदेनगिरि मोना सनिबार खालि खौरांगिरिनि सिगाङाव मिथिहोयो दि जों माब्लाबाबो नोगोरारि सोदांनाय बिल (Citizenship Amendment Bill) आरो गोदान काट अफ यार बिथा थियारि खालामनाय हादोरनां नोगोरारि फारिलाइ (National Registration of Certificate) खौ आजावना लानो हाया हुमखि होयो। लोगोसे बेवहायनो दोलोनि दैदेनगिरि मोना बुंथियो दि हादोरनि गाहाइ मन्थ्रि (Prime Minister) नरेन्द्र मडि दैदेननाय बि जे पि नि सोरखारा दोहोरोमनि नोजोर (Religious Persecution) जों बोखावजायि भारत हादोराव (Undivided India) हाबसन फैजानाय नोगोरारिखौ रैखाथि (Providing Security) होनायनि मोन्थोर लानानै जायगा (Shelter) होनांगौ होन्ना बुंथियो।
रायखांनो गोनां दि आसाम प्रदेश कंग्रेस कमिटिनि गाहाइ मावखुलि गुवाहाटी नोगोरमानि जि एस रड नि ए बि सि आव थानाय राजिब भबनाव खुंफुंनाय मोनसे मावफुं जथुमाव (Executive Meeting) नि गेजेरजों रबिबार खालि आफादगिरि (Assam State Congress President ) रिपुन बरा बिथाङा गावनो मासि लानानै फोरमायहरना बुङो दि हादोरनि गाहाइ बेरेखा राजखान्थि दोलो कंग्रेसा (Main Opposition Party) राज्य सभा (House of the State) नि सिङाव आरो बायजोआव गोख्रों होबथानायनि थाखाय सिगांआव लाबोनाय नोगोरारि सोदांनाय बिल (Citizenship Amendment Bill) संसदाव दैखांनानैबो पास खालामनायाव फेलें जादोंमोन। कंग्रेस दोलोनि आगोलनि जा बेरेखा थिरांथा बादियैनो दिनैसिम सोलायनाय नङा होन्ना बुंथियो। 1971 माइथायनि 24 मार्सनि हर गेजेरनि काट अफ यार बिथानि बादियैनो आसाम गोरोबथाखौ मानिना आयेन बेरेखायै हाबसनफैग्रा गुबुनारिखौ आइननि गेजेरजों सिनायनानै बोख्लायनाय दाबिखौ आसामनि राज्यो-राजाया आजावना एबा मानिनानै लादों। काट अफ यार थिखानाय बिथानि उनाव आसाम हादोरसाया आरोबाव फिन आयेन बेरेखा हाबसनफैग्रा गुबुनारिनि जेंना (Burden) खौ सैनांनो हानाय नङा होन्ना रोखायै फोरमायो हरदों।
मख'जाथावदि गोबां लाइमोन , सुबुंनि नारा नाथा थैस' थांस' सोमावसारनायनि गेजेरजों जारिमिनारि आसाम गोरोबथाखौ खहा खालामगोन आरो हादोरसानि गुबुन गुबुन हारि हारिसानि राजखान्थियारि मोनथाय (Political Rights), समाजारि आरो हारिमुवारि बिथिं (Social and Cultural Identity and Existence) आव फोजोबस्रांनाय लाबोगोन होन्ना आसामनि कंग्रेस दोलोनि गोजौ थाखोनि दैदेनगिरि मोना बुंथियो।
Also Read :असम गण परिषद दोलोआ अस’मिया रावखौ राज्योआरि राव महरै लाखिनो नारसिन्दों
Also Watch: National Pension Scheme launched at the office of National Chamber of Commerce in Tinsukia