हाफ्लं ,16 सेप्टेमबर: आसाम सोरखारनि बारग' गाहाइ नेहाथारि आरो दानि 6थि आसाम हादोरसा रांखान्थि कमिसननि मासिगिरि टि वाइ दास नि दैदेननायाव हान्जासे थान्दैया हाफलंङाव डिमा हासाव गावखुंथाइ गौथुमनि गाहाइ मावफुं सोद्रोमा देब'लाल गारलसाजों लोगोसे गौथुमनि गुबुन गुबुन बिफानारि मावख'गोरानि नुजाथिफैनायाव गाहाइ मावफुं सोद्रोमानि सावराय जथुमाव बाहागो लायो।
6 थि आसाम हादोरसा रांखान्थि कमिसन आरो जायगानि गुबुन गुबुन सोरखारि बिफानजों जेंना जेंगोना सोमोन्दै सावराय लायनाय जायो। नर्थ काछार हाजो गावखुंथाइ गौथुमनि मासिगिरि रानु लांथासा, मावफुं सोद्रोमामोन फारियै न्ग्रामर'थां मार, निपलाल हजाइ, पाउदेमुं ह'जाइजों लोगोसे गुबुन गुबुन गोजौ थाखोनि मावख'गोराया नुजाथियो।
इं 2019-20 रांखान्थियारि बोसोरनि बेन्दोङाव गोबां जौगाथाय खामानिनि सायाव बायदि बायदि बिफाननि बिबानगोरा आरो मासिगिरि जथुमाव सावज्लायनाय जायो।
रायदावनो गोनांदि रांखान्थि कमिसननि थान्दै हान्जाया बुंथियो दि गौथुमा आखायाव लानाय खामानिफोरखौ 6 थि आसाम हादोरसा रांखान्थि कमिसना सिगां लांनो थाखाय बोसोन होना बुंथियो जाहाथे बाजेटाव मोनबो हेंथा सोमजिया।गामि जौगाखां गौथुमजों लोब्बा गोनां खामानिफोराव सोमजिनाय इलेक्टरेल रलाव जेथो गोनांनि सोमोन्दैबो सावराय लायनाय जायो।
डिमा हासाव जिलानि सिङाव थानाय टाउन कमिटि फारियै माइबं, उमरांसु, माहुर आरो हाफलं मिउनिसिपालटि बर्डा आखायाव लानो हाथाव बायदि बायदि जौगाथाय खामानि सायाव जथुमाव सावराय जायो। मख'जाथावदि आसामनि हाजोआरि जिला डिमा हासाउ नि हाफलंङाव खुंफुंनाय सावराय जथुमाव गावखुंथाइ गौथुमनि नेहाथारिफोर, सुबुं सावस्रि बिफान, लामा फाहामथाइ बिफान, खाजोना बिफान, मिउनिसिपालटि बर्डजों टाउन कमिति नि मावथि बिबानगोरा मोनाबो जथुमाव नुजाथियो।
Also Read: तामुलपुराव बर’ खुगा मेथाइनि सायाव 15 साननि मावबादा खुंफुंजादों
Also Watch: Kumarpara Murder Incident: Guwahati Police announces cash award of Rs 25,000