Guwahati : आसामनि आरो सा-सानजा हादोरसानि सिङाव थानाय मिथिंगायारि सोमखोर समायना थिलिनि सोमोन्दै मुंदांखा हालाम। नाथाय बै समावनो मोनसे दुखु नांथाव खौरां लाबोदों। दावबाय थिलियाव नुजादों दावबायारि (Tourists) फोरनि बाङाइ अन्जिमानि मोगथां सावगारि। मख'जाथावदि नोगोरारि सोदांफिन्नाय आइन (Citizenship Amendment Act) खौ बोखारहरनो दाबि दैखांनानै गिख्रंथाव महर लानाय सुबुं सोमावसारनायनि जाथायखौ नोजोर होनानै गं 11 हादोरा (Country) गावबा गावनि दावबायारिखौ आइन आब्रुथि गोनां राहाया गोजोन सोमजिया लासे दावबायथिंनायनिफ्राय गोजानाव थानो बोसोन होदों। मख'जाथावदि दासान्दि हालागै हादोरसाया मैखोमै नोगोरारि सोदांफिन्नाय आइन (CAA 2019) बेरेखा सोमावसारनाय आबहावाजों मुगा मुगि बुब्लियाव भुगिनांनो गोनां जादों।
मोनथिनाय सोरखारि फुंखायाव फोरमायनाय खारिथिनि बादिब्ला गासै गं 11 हादोरनि ट्रेभेल एडभाइसरिया फोसावनाय खौरांनि इंलेन्ड, आमेरिका, सौदि आरब , इउ ए इ, कानाडा, अष्ट्रेलिया, फ्रान्स,इसराइल,टाइवान,रासिया आरो सिंगापुर बायदि। लोगोसे आमेरिका जुथाइ सोरखारा (US Government) आसामाव दावबायनायखौ बन्द' खालामना दोन्दों। बेराफारसे थिं जाय इजराइलनि फरेनार मिनिस्थ्रिया गावनि हादोरनि दावबायारि नोगोरारिफोरखौ सुबुं फोनांजाबनाय सिबिथाय राहा मबाइल इन्टारनेट,जानबुं बायदिया दिन्दां जानानै दं। मानोना आसामाव दुंहाव एबा गुलुं गुजुं थासारि सोमजिनायनि बारहावाया गोजोन जायाखै।
गुबुन फारसेथिं जाय भारताव थानाय सौदि आरबनि राजथान्दै (Embassy) मोनसे दावबायनाय बिथिंनि मोनसे मिथिसारलाइ फोसावहरदों दि सा-सानजा भारतनि आसामाव दावबायनायनिफ्राय गोजानाव थानाया गाहाम जागोन मानोना बै जायगायाव गोगोम दुंहाव एबा अहिंसा गोनां थासारि सोलिदोंमोन होन्ना फोरमाय हरदों।
मख'जाथावदि गिबि गिबियै सा-सानजा हादोरसाया बेले बेजे गोनां नोगोरारि सोदांफिन्नाय आइन जाबसिन्नायनि बायजोआव लाखिनायनि दाबिजों बेरेखा सोमावसारनाया उनाव फारि फारियै हादोरनाङै गोसारनाय थासारिखौ नोजोर लाखिनानै इंलेन्ड सोरखारा बुंदों दि सि ए ए खौ हेंथा खालामनानै थांनाय माखासे सानाव दुलाराय आसामाव अर जोंब्लावदोंमोन एबा गोदोग्लाबदोंमोन। बै दुंहाव आबहावानिफ्राय सोमखोर मिथिंगायारि समायना रमायना गोजोन थिलि आसामा उदां जानो हायाखै। मख'जाथावदि नोगोरारि सोदांफिन्नाय आइन (Citizenship Amendment Act 2019) बेरेखा खालामनानै सोमजिनाय सुबुं सोमावसारनायाव मुलुगनि नोजोराव दानख'थाइ गोहोम खोख्लैदों।
Also Read: आसामनि गिबि मन्थ्रि सर्बानन्द सन’वाला गोदान बोसोरनि गाहाम हामलायथि बावग्रोहरबाय
Also Watch: Minister Pijush Hazarika rebuts claims of paid crowd at BJP peace rally in Jagi Road