Top
undefined
Begin typing your search above and press return to search.

असम थुनलाइ आफादा गंसे हादोर, मोनसे राव खान्थिखौ सोंखारिदों

असम थुनलाइ आफादा गंसे हादोर, मोनसे राव खान्थिखौ सोंखारिदों

Sentinel Digital DeskBy : Sentinel Digital Desk

  |  10 Oct 2019 9:14 AM GMT

असम थुनलाइ आफाद सुंद'यै AXX या गंसे हादोर, मोनसे राव खान्थिखौ सोंखारिदों। थुनलाइ आफादनि आफादगिरि पर्मानन्द राजबंची जोंनि गिबि राव एबा बिमा रावानो सिगाङाव थागोन बेनि थाखाय गुबुन रावखौ जाबसिन्नाय आयदा लानानै सावरायज्लायनानै खोथा फैया होन्ना बुंथिदों। मख'नो गोनांदि गोनांथिखौ नोजोर लाखिनानै बिमा रावा गिबि राव, हादोरसा रावा नैथियाव , थामथियाव हिन्दी आरो ब्रैथियावसो इंराजि राव थाफागोन होन्ना बुंथियो।

दुलाराय हादोर नाङै मैखोम दान्थे बिदान्थेनि उनाव हादोरनि न'खर बिफाननि मन्थ्रि अमित चाह बिथाङा टुइट (Tweet) नि गेजेरजों बुंदोंदि भारत हायुंआ बायदिसिना रावारि हादाब। जेराव मोनफ्रोमबो रावनिनो मोनफा मोनफा गोनांथि मान सन्मान दंखायो। नांगौथार खोथाया बेनोदि बै रावफोरा फोथांनानै लाखिनाया जोबोर गोनांथार। भारत बादि जौगाफु हादोराव फिसा फिसा रावनि सिनायथियानो जोंनि भारत हायुंनि गुबै सिनायथि। जुदि मोनसे रावा दुलाराय हादोरखौ खौसेथिनि दौलेंङाव खानो हायो अब्ला हिन्दी रावानो गुवारै बाहायनो नांगोन। न'खर मन्थ्रि अमित चाह बिथाङा आरोबाव हिन्दी राव फालिथाइ सानाव नुजाफैनानै बुंथिदों दि आं साफ्रोमबो राज्यो राजानि सिम मोनसे हांख्राइनाय दि गिबि एबा बिमा राव रायज्लायग्रा सुबुंनि अन्जिमाखौ बारायनो नांगोन। लोगोसे जोंनि हारिमायारि हिन्दी रावखौबो बाहायनो नांगोन जाहाथे हारिनि बिफा गेदेमा महात्मा गान्धी आरो सोर मानसि (Iron Man) सर्दार बल्लभ भाइ पेटेल नि सिमांआ सुफुंसार जायो।

दि सेन्टिनेल खौरांलाइजों मुगामुगि जानाय बुब्लियाव असम थुनलाइ आफादनि आफादगिरि पर्मानन्द राजबंची बिथांआ बुंदोंदि रावबो जोंनि बिमा रावनि सोलायै गुबुन रावखौ जाबसिननो हाया। भारत सोरखारनि दारै गुबुन गुबुन फिसा फिसा राव आरो गिबि एबा बिमा रावफोरखौ सिथारनानै मोनसेल' राव बाहायनाय आयदायाव असम थुनलाइ आफादा माब्लाबाबो बे थिरांथा एबा खान्थिखौ आजावनानै लानो हानाय नङा। भारत हायुंआ गाहायै गुबुन गुबुन रावारि सुबुंनि थामोन्थाजों आबुं। सोरखारनि जोहै रावखौ जाबसिन होनो माबा मोनसे राहा लायोब्लाबो बेयो दुंहाव थासारि सोमजिगोन।

मख'जाथावदि असम थुनलाइ आफादनि आफादगिरि पर्मानन्द राजबंची बिथांआ गावनि आफादनि दलद थिरांथानि सायाव बुंबावो दि जोंनि थिरांथा( Stand)या रोखाथार। बिमा रावा गिबियाव थागोन, बेनि उनावसो हादोरसानि राव (State Language), हिन्दी आरो इंराजि। राजबंची बिथांआ हुमखि होनानै बुङो दि हिन्दी आरो इंराजि रावखौ जाबसिन्नो नागिरोब्ला जों हानायमानि जुजिगोन, थैयै मोदोमै हेंथा खालामनानै बे खान्थिखौ फेलें खालामनानैसो जिरायगोन होन्ना बुंथियो।

दासिमाव असम थुनलाइ आफादनिफ्राय सोरखारनिसिम राव खान्थि (Language policy) नि सायाव गांसे गोसोखां लाइ गथायदों। जोंनि गथायखां जानाय राव खान्थियाव हादोरसानि लेखा गोरों बिजाथिफोरा गावनि बिमा रावजोंनो हारोंथाइ बादियै आर'ज गाबहैनो हागोन। नाथाय हादोरसा सोरखारा बे दाबिखौ दासिम हालागै जाफुंसार जायाखै होन्ना बुंथियो।

Also Read: राज्योआव असम थुनलाइ आफादा राव थुनलाइ नांजाबफानाय मडेल फरायसालि गायसनगोन

Also Watch: Two bike borne miscreants attack Doctor and his Family in Dhekiajuli

Next Story