Begin typing your search above and press return to search.

केबनि हेंथायै बन्द'आव सोरबिथिंआव अर जोंब्लावबाय , सुबुं जिउआव मैखोम गोहोम खोख्लैदों

केबनि हेंथायै बन्दआव सोरबिथिंआव अर जोंब्लावबाय , सुबुं जिउआव मैखोम गोहोम खोख्लैदों

Sentinel Digital DeskBy : Sentinel Digital Desk

  |  11 Dec 2019 7:25 AM GMT

Guwahati : सा-सानजा हादोरसायाव नोगोरारि सोदांनाय बिल पास जानायनि हेंथायै राज्योनाङै अर जोंब्लावदों। राव हारिमु दोहोरोम सायख'वालासे गासैबो थाखोनि राज्यो-राजाया बेले बेजे गोनां बिलखौ हेंथा खालामनानै राजा लामायाव ओंखारफैदों। मैया नोगोरारि सोदांनाय बिलनि हेंथायै सा-सानजा फरायसा आफादा 11 धन्टा बन्द' फोसावनायाव दाब दाब जायगायाव जांख्रिखांनायनि सावगारि । जेरैथिं नायगोन बैथिंजायनो नुनो मोनगोन माथो सोरखार बेरेखा स्ल'गानजों अख्रांखौ गोमखांहोनाय राव।

हादोरसानि दाब दाब जायगायाव नोगोरारि सोदांनाय बिलनि हेंथायै गोख्रों सोमावसारनाय हाबाफारि दिन्थिफुंनाय बादि राज्योनि राजथावनि नोगोरमा गुवाहाटीयावबो गोख्रों खुद्रिसारनाय दिन्थिफुंङो। राज्योनि सोलोंथाइ बिफाननि मन्थ्रि (State Education Minister) सिद्धार्थ भट्टाचार्य बिथांआ बन्द' मददगिरि (Bandh Supporter) फोरनि हेंथा खालामनायाव सइमाइल दालांनिफ्राय थांफिन्नो गोनां जाबाय। थिग बिदिनो राज्योनि बि जे पि दोलोनि दैदेनगिरि मोना बन्द मददगिरिजों हालाय हाफाय थासारिजों गावखौनो गाव मुगा मुगि जानांनो गोनां जादों। गुवाहाटी ल'क सभा संसदारि बियाबनि एम पि (Member of Parliament, Gauhati HPC) कुइन उजा बिथांनि न'आवबो बन्द' मददगिरिफोरा बेंथेनानै गोख्रों सोमावसारनाय दिन्थिफुंनायजों सोरबा सोरबाया अर फोजोंनानै आबुङै ग' बेक , मुर्दाबाद स्ल'गान होयो।

मख'जाथावदि गुवाहाटी नोगोरमानि जायगायारि नोगोरारिफोरा राव दोहोरोम सायख'वालासे गासैबो थाखोनि राज्यो-राजाया बेले बेजे गोनां बिलखौ हेंथा खालामनानै राजा लामायाव ओंखारफैयो। बिसोरो गुवाहाटी सिलं रड ( GS Road) , जि एन बि रड आरो गुबुन गुबुन फिसा लामाफोरखौ होबथानानै बेनार , टायार सावनानै आबहावाखौ गोमखांहोयो।

उनाव सोमावसारगिरिफोरा बुंथियो दि सरासनस्रायै बन्द' समाव जों क्रिकेट गेलेयो, नाथाय दुखुनांथाव खोथाया बेनो दि जोंनि बे समा राव हारिमु दोहोरोम समाजखान्थिनि थामोनथाखौ रैखाथि होनायनि सम। गावनि जोनोमफुरिखौ आसाम बिमाखौ बासायनायनि सम सौफैबाय। बे बिल गमामायैनो राज्य सभायाव पास जायोब्ला अस'मिया समाजखौ गावस्रांलांगोन। गेदेमा असमिया हारिया सेरखाय बेरखाय थासारिजों भुगिनांनो गोनां जागोन। नाथाय जों माब्लाबाबो बे हालोदखौ सोमजिहोनो हानाय नङा।

मख'जाथावदि राव, हारिमु, दोहोरोम सायख'वालासे गासैबो थाखोनि राज्यो-राजाया राजा लामायाव ओंखारफैनाय बादि हारिमुवारि बिथिंनि सुबुं, मेथाइ रोजाबगिरि,गुन गोनां सुबुंआबो नोगोरारि सोदांनाय बिलनि बेरेखायै बन्द'नि समाव खुद्रिसारनाय दिन्थिफुंङो। बै गोलाव जिसे धन्टा (11 Hrs) बन्द' फोसावनायाव आबहावाया मैखोम गोहोम खोख्लैयो। फरायसालि, फरायसालिमा, बेंक, गला दुखान, सोरखारि आरो बेसोरखारि फसंथान (Government/Private Institutions) फोरा आबुंङै बन्द' थायो। मख'जाथावदि बन्दनि समाव अजायै 99 जौखोन्दो जनता भबननि मावथिफारियाया नुजाथिफैनो हायाखैसै।

सा-सानजा फरायसा आफाद (NESO) आ फोसावनाय जिसे (11) धन्टा बन्द' फोसावनायाव गुबुन गुबुन फरायसा आफादनि मदद होनायाव सोरबिथिं अर जोंब्लावो। जेराव माथो नोगोरारि सोदांनाय बिल (CAB) खौ बोखारनायनि स्ल'गान। राव हारिमु दोहोरोम समाजखान्थिखौ बासायनायनि राव अस'मिया राज्यो-राजानि ।

Also Read : केबनि हेंथायै जांख्रिखांदों : गुवाहाटी मुलुग सोलोंसालिनि दिनैनि आन्जादफोरखौ फावसायबाय

Also Watch: Assam is heating up, Lakhs of People take to street to protest against CAB on Saturday, Watch Here

Next Story
गाहाय रादाब