बिश्वनाथ: बिश्वनाथ जिला पुलिस खुंथाय (District Police Administration) सानसेनि मेहेर गोनां गोसोखांथि सान (Commentation Day)फालिनाय हाबाफारिजों लोब्बा लाखिनानै समबार खालि बिश्वनाथ पुलिस सावराय नब्लां (Conference Hall) आव फरायसा फरायसुलि (Students) नि गेजेराव "समाजाव पुलिसनि बिफाव (Role of Police in Society) " मुंनि आयदानि सायाव गंसे हरखाब बुंथिनाय बादायलायनाय जायो।
बै हाबाफारिखौ बिश्वनाथ जिला पुलिसनि लेङाइ गाहाइ सामलायगिरि (DSP) मुजाफ्फर हुसेना सामलाय लांङो। जेराव जिलानि उफ्रा गाहाइ सामलायगिरि (ASP) पार्थ सार'थि बरा बिथाङा बराय बिबुंथि लाखियो। बेजों लोगोसे हरखाब बुंथिनाय बादायलायनायाव बाहागो लाहैनाय सुनितपुरनि जे एन भि नि थाखो गु (Class IX) नि फरायसा सुप्रिया सुनिक आरो भैसालि काश्यप आरो बिश्वनाथ बिद्दापीध नि थाखो गु नि फरायसा स्मिता दास मोना सेथि, नैथि आरो थामथि मासियाव आवग्रिनो हायो। मख'जाथावदि बै हाबाफारियाव बिश्वनाथ फरायसालिमानि गोरायुं (Principal) सिमान्त शर्मा, फोरोंगिरि सप्ना बरा, खौरांगिरि निरन्जन हाजरिका आरो बिश्वनाथ एकादेमीनि फोरोंगिरि चन्द्र लुटेल बिजिरगिरि (Judge) महरै बाहागो लाफैयो।
रायखांनो गोनां दि बै गोसोखां सान फालिनाय हाबाफारिजों लोब्बा लाखिनानै जिला पुलिसनि बान्जायनायाव 20 अक्ट'बराव बिश्वनाथ आरो जिनजिया पुलिस थाना (PS) नि कन्सटेबुल फारियै बिकाश कुतुम लुटफुर रहमान आरो बिश्वनाथ ट्रेफिक बिफाननि कन्सटेबुल कृष्ण काकति मोना बिजिरगिरिनि आखायजों बान्था राननाय जायो।
बिश्वनाथ जिल्ला पुलिस खुंथाइ नि मददाव गोसोखांथि सान फालिनाय फोरबो नि हाबाफारियाव चक द्रील आरो थांनाय बोसोराव गावनि माव थिलियाव नांथाबना बावसोमलांनानै सुथुरनि आखायाव जिउ गोमालांनाय मुंख्लं ज'वानफोरखौ गोसोखांनाय जायो। बेरा फारसेथिं जाय थांनाय जुन दानाव झारखण्ड भुमका जिलायाव जिउ गोमालांनाय मुंख्लं ज'वान निर'ज चेट्रिनि न'खर आरो फरायनाय फरायसालियाव गहपुर नि एस डि पि अ आरो हेलेम पुलिस थानानि गाहाइ बिबानगोरा (Officer in Charge) नायगिदिंहैनानै गोसोखांनानै मान बावहरग्रोयो।
