Top
undefined
Begin typing your search above and press return to search.

बर' राव, थुनलाइखौ गेवलांसारनि थांखियै बि एस एस आ ए एस सि अ एस याइ एस जों गरन्थाव खाबाय

बर

Sentinel Digital DeskBy : Sentinel Digital Desk

  |  7 Jan 2020 7:22 AM GMT

Guwahati : बर' रावखौ मुलुग दरबाराव सिनायथि होनाय आरो गेवलांसारनाय थांखियै बर' थुनलाइ आफाद (BSS) नि नारा नाथा नाजानायाव मेंनो रोङै जासे सोलिगासिनो दं हाबाफारि। बे थांखिखौ नोजोर लाखिनानै दासान्दि बर' थुनलाइ आफादा ए एस सि अ एस याइ एस मुंनि फसंथानजों मोनसे गरन्थ (Memorandum of Understanding) खानाय जादों। गाहायै बर' हारिनि सिनायथि , राव , हारिमु , रैखाथि आरो थामोन्था सिगांलांनाय नोजोरजों आगान लानाय जादों होन्ना मिजिंथिनाय जादों।

मख'जाथावदि ए एस सि अ एस याइ एस मुंनि फसंथानजों गरन्थ खानायनि उनाव खौरां गिरि जों जानाय मुगा मुगि बुब्लियाव बर' थुनलाइ आफाद (Boro Sahitya Sabha) नि गाहाइ नेहाथारि (General Secretary) प्रसान्त बर' बिथाङा बुङो दि बे थिरांथायाव आगान लानायनि गाहाय थांखियानो जादों बर' रावखौ इ बुक महरै गायसननाय। जाहाथे बर' आरो गुबुन गुबुन हारिनि सुबुंआ गुरैयै हमदांनो हायो। टेकनिकेल जुन्थि बाहायनायनि राव सोलोंनायनि थाखाय सुबिदा खालामना होनाय। लोगोसे बिथाङा दाजाबदेरनानै बुंबावो दि इ थुनलाइ मावथांखि (Projects) नि गेजेरजों राव रायलायग्राया राव (Language ) , हारिमु (Culture ), थुनलाइ (Literature) नि बागै गियान आर्जिनायनि खाबु मोनगोन। जों बिखौ लेखा बिजाब एबा बिलाइनि सिङाव थाबथानानै थाहैनो नागिराखै। मानोना राव हारिमु थुनलाइखौ सिनायथि होनांगौब्ला सोरबिथिं निफ्राय आवगायलांनागोन। बेनि अनगायैबो बर' रावखौ अस'मिया आरो इंराजि रावखौ बिरोंदामिन बाहायनायनि गेजेरजों गनायथि होयोब्ला बे प्रजेक्टनि गेजेरजों राज्यो-राजाया बर' रावखौ सोलोंनायनि थाखाय सुबिदा मोनगोन। आसामनि बायजोआव थानाय गोसो गुदुं राज्यो-राजाखौ बर' रावखौ सोलोंनायनि थाखाय मोनसे बिजों (Medium) गायसननायनि थाखाय थांखि लागासिनो दं। लोगोसे हादोरनां गेजेरारि थाखो (International Level) याव फोजौखांनायनि थाखाय राहा लानायनि खोथा सानगासिनो दं।

बर' थुनलाइ आफादनि दैदेनगिरि मोनजों गरन्थ खानाय नि उनाव एस सि अ एस याइ एस नि सामलायगिरि मन्दिप शर्मा बिथाङा बुंथियो दि बर' रावखौ सोलोंनो लुबैनाय गोसो गुदुं सुबुंनि थाखाय बेयो मोजां खौरां। बेयो गाहायै गुबुन गुबुन दोहोनि रावनि भारत संबिजितनि दथि फारिलाइनि गनायथि मोन्नाय बर' रावखौ समजों गोरोबलांनानै डिजिटेल राहानि मददाव सिगांलांनायनि थांखिया थारैनो बाख्नायथाव होन्ना राज्यो-राजानि गेजेराव सावराय जादों। दासिम हालागै मुलुगनि 400 राव थांनाय जौसे बोसोराव गोमालांबाय जोब्बाय आरो दासान्दि 50%-90% राव गोमालांनायनि लामायाव । जाय खौरांआ सानगोरों सानसुमै राव अनसायग्रा राज्यो-राजानि गेजेराव समखिखांनाय एबा जिंगा सिनाय फैदों। राव थांनानै थायाब्ला मोनबो हारिया थांनानै थाया होन्ना फोरमायो। बै हाबाफारियाव बर' थुनलाइ आफादनि गुबुन गुबुन दैदेनगिरि मोनाबो बाहागो लाफैयो।

Also Read : थाम बोसोराव बेदखलनि आवथानिफ्राय मोनथामल’ सत्र उदां खालामनायनि खौरांआ सोरांङाव फैदों

Also Watch: Minister Himanta Biswa Sarma addresses media ahead BJP Booth Committee President’s Conference

Next Story