हाजेलानि दैथाय हरजानायखौ साननैसो सम बारायनो मिरु सोरखारआ गोजौसिन बिजिरसालिनो हरबाय
गुवाहातिः मिरु सोरखारा बावैसो हादोरसानि एन.आर.चि गाहाय सामलायगिरि महरै सामलायनो बिबान मोननाय प्रतिक हाजेलाखौ मानि थाखाय मध्य प्रदेसआव दैथायहरनाय जादों बेखौ नायजिरनो थाखाय आरो समखौ बारायनो थाखाय गोजौसिन बिजिरसालिनो बृहेस्पिबाराव हरनाय जायो। बेजों लोगोसेनो आसाम हादोरसाया बे खामानिखौ मावफुंनो हाननायनि ग्रिन सिगनेल होयो।
थांनाय 18 अक्तबराव एपेक्स बिजिरसालिआ (Apex Court) मिरु सोरखार आरो आसाम सोरखारनिसिम प्रतिक हाजेलाखौ स्नि साननि गेजेरावनो मध्य प्रदेसआव दैथायहरनांगौनि बिथोन होदोंमोन। गोजौ बिजिरसालिया प्रतिक हाजेलाखौ मध्य प्रदेसआव नेम खान्थिजों सोमोन्दो थानाय बादियै दिपुतिस्यनआव दैथायनाय जादों ।
आसाम हादोरारि नखरारि मावफुंनि गेजेरजों बेखौनो फोरमायोदि एन.आर.चि आव (NRC) जायफोरहा फेलें जाना दं आरो जोबथा एन.आर.चि (NRC) आव मुं थिसन जायाखै बेफोर जेंनाखौ मोजाङै नायफिननांगौनि खामानि दं बेखायनो हाजेला बिथांआ हादोरसायाव साननैसो थाबावनांगौ होनना खावलायदों।
गुबुन फारसे मिरु सोरखारा बृहेस्पिबाराव प्रतिक हाजेलाखौ मा जाहोनखौ लानानै थोनहरनो नागिरदों बेनि सायाव नायजिरनो थाखाय गोजौसिन बिजिरसालिनिफ्राय नागिरदों।
सावरायनाय बादि मिरु सोरखारा बुङोदि एपेक्स बिजिरसालिनि साननाय बादिब्ला आसाम सोरखारा 1995 माइथाय खोलोबनि आसाम-मेघालयनि आइ.ए.एस (IAS) अफिसार केदारखौ दैथायहरनायनि थांखि लादोंमोन नाथाय " थिसनजानाय खामानिया जाफुंनो सम लागोन"
बेराफारसे 'गनायजायि बिथोन' ओंथि गोनांबादि 2019 नि 31आगाष्त दानाव हादोरनि जोबथा फोसाव एन.आर.चि (NRC) आव 91 लाख सुबुंफोरा थिसनजायाखै। बिसोर सुबुंफोरा 'गनायजायि बिथोन' खौ गावनि होनना गनायना लानायखौ लानानै 120 दिननि गेजेराव गुबुनारि बिजिरसालिसिम सोंखारिनो हागौ जायनि जोबथा फोसाव एन.आर.चि (NRC) आव जायफोरा एरखजादों।
मोन्थिनाय बादिब्ला एन.आर.चि (NRC) आव गासै 3,30,27,661 सुबुङा मुं थिसननायनि थाखाय गसर दैखांदोंमोन। बेनिनो गेजेराव सा 3,11,21,004 जोना रोखायै थिसनजादों, 19,06,657 सुबुंआनो थिसनजानायनिफ्रा गोजानाव ।
जदिअबो एपेक्स बिजिरसालिया (Apex Court) प्रतिक हाजेलाखौ मा जाहोनखौ लानानै थोनहरनो नागिरदों बेनि सोमोन्दै जेबो मोन्थिहोआखै।
फैबाय थानाय नबेम्बर दाननि 26 अक्तआव गोजौ बिजिरसालिया एन.आर.चि (NRC) जोबथा फोसावनो थाखाय आखायाव लाबाय।
Also Read: बड’लेन्डनि साब्रै साब-जुनियर बक्सिं गेलेगिरिफोरा इस्त झन बक्सिं सेम्फियनसिफ आव सायखजायो
Also Watch: Karbi Students bodies urged 100% jobs for the twin hills district of AHMC
