आयेननि बायजो खैला खनिफोरखौ नायदिंनो गोजौ बिजिर सालिया डिसपुरसिम खावलायदों

गुवाहाटिः गुवाहाटिनि गोजौ बिजिरसालिया (HC) आसाम सोरखारखौ जायफोर जायगायाव आयेननि बायजोयै खैला खनिफोर (Illegal Mining) फसंदों आरो आबहावाखौ गाज्रि खालामगासिनो दं बेफोरखौ गोजौ थाखोनि आफाद आरो' माइन एन मिनारेल ताक्स फर्च ' (MMTF) बेतेलेनखौ लानानै दानथामनि गेजेरावनो नायगिदिंहैनांगौनि बिथोन होदों।

गोजौ बिजिरसालिनिफ्राय समबाराव बिथोन मोननाय बादि पाब्लिक इन्टारेस्त लितिगेस्यन-62,2019 (PIL) खौ थिसनखानाय बादि आसामनि एसिमब्लि देब्राता सइकियाआ बे बोसोराव दिखौ दैफांजों नांजाबनाय जायगाफोर आरो बे ओनसोलनि खाथि खाला थानाय जायगाफोराव आयेननि बायजोयै खैला खनिफोरनि खामानि मावनायखौ दफथायनायनि खोथा होदों।

पाब्लिक इन्टारेस्त लितिगेस्यन-78/2018 (PIL) बादियैनो खामानिफोर मावनायखौ मानिबोनाय जादों होनना मोन्थि होयो। आसाम सोरखारा गोजौ थाखोनि खामानि मावग्रा बिफान वातार रिसर्चस, माइनस एन मिनेरेलस , रिभिन्य एन दिसस्तार मेनेजमेन्त, हम एन पलितिकोल, सइल कनजारभिस्यन,पलुस्यन कनत्रल बर्द, आरो एनभाइरन्टमेन्ट एन फरेस्त बिफानफोरा बे खामानिआव लोगोसे थागोन। दिखौ दैफां ओनसोलनि इक-सितिम (Eco-System) नि फारसे आगु आफादनिसिम एसे नोजोर लाखिनांगौनि गोनांथिखौ मोन्थिहोदों।

जाहोन बादियै समबारनि गोजौ बिजिरसालिया पाब्लिक इन्टारेस्त लितिगेस्यन (PIL) नि सायाव आसाम हादोद सोरखारनो दिखौ दैफांनि आयेननि बायजोयै खैला खनिफोर दबथायनाय खामानिखौ नायदिंना बेनि गुबै जाहोनखौ सुलु लानो खावलानायाव बे हाबाफारिखौ गोख्रोङै मावफुंनाय जासिगोन होनना सइकियाया फोरमायो। जाउनाव फरेस्त एन इनभाइरन्टमेन्त बिफान आरो माइनस एन मिनारेलस बिफाना बेनि सोमोन्दै दैदेनगिरिफोरनो मोनथिहरथों, बिथां सइकियाया बेखौबो दैखांना लाबोयोदि कमिस्यनार (Commissioner) आरो माइनस एन मिनारेलस बिफाननि नेहाथारि बिथांमोनखौ आयेननि बायजोयै खैला खनिफोर जेराव दिखौ दैफां फोराव फसंजादों बेफोरनि नोजोर लागोन।

नैथि पाब्लिक इन्टारेस्त लितिगेस्यन (PIL) आ गोजौ बिजिरसालिनि गेजेरजों समबाराव मोनसे थिसन खामानि महरै बेफोरखौ गोजौ थाखोनि आफाद आरो माइन एन मिनारेल ताक्स फर्च ' बेतेलेननि गेजेरजों हादोदनि गासै जायगायावनो इक-सित्सिम (Eco-System) खौ गोदान महर होनायनि खोथा होदों। गोजौ बिजिरसालिया हादोद सोरखारनिफ्राय आयेननि बायजोयै खैला खनिफोरनि खामानि मावनायफोरखौ गोख्रोङै नोजोर लानो खावलायनायजों लोगोसे इक-सित्सिम (Eco-System) खौ गोदान महर होनाय खामानिआव मदद होगोनखौबो नागिरदों ।

Also Read: बिश्वनाथ पुलिस नि आखायाव सा 10 जुवा गेलेगिरिया हमजाबाय

Also Watch: Team ‘Ratnakar’ Celebrates its First Successful Week at Nakshatra Cinema Hall in Lakhimpur