गुवाहाटी, सेप्टेमबर :: आसामनि गिबि मन्थ्रि आरो माजुलि बियाबनि एम एल ए सर्बानन्द सन'वाला राज्यो सोरखारनि खाजोना आरो अल'खद सामलाय बिफानखौ दैबानानि समाव सेरखाय बेरखाय जानाय सुबुं माहारिखौ आश्रय होनाय थांखियै गोजौ महरनि प्लेटफर्म लुफुंनो बिथोन होदों।
मख'जाथावदि दिसपुर जनता भबननि कनफारेन्स ह'लाव गिबि मन्थ्रिया बिफानारि बिबानगोराजों खुंफुंनाय जथुमाव रानस्राव बोथोराव लुफुंनो प्लेटफर्मआ सुबुंनि मददनि थाखाय बाहाय जानांगोन। जाहाथे फैगो बोसोराव सुबुं माहारिया जेबो हालाय हाफाय जानायनि जानगाराव थानानै गावजों लोगोसे मि - जुनादखौ जाथावथार खैफोदनिफ्राय रैखाथियै लाखिनो हायो।
दासिमाव सोलायथायनि स्ल'गानजों हादोरसानि खुंथाइ गोहो दखल खालामनाय बिजेपि सोरखारा जाथावथार खैफोदनिफ्राय बारग'नो राहा लानायनि थांखियै राज्यो सोरखारा बिफानारि बिबानगिरिनि मददाव सिगांबोदों।
आसामनि माजुलि, लखिमपुर, धेमाजि, बरपेटा, गहपुर आरो बराक सेरफाङाव पाइलट प्रजेक्ट महराव गोजौ प्लेटफर्म लुफुंनो दिनैनि जथुमाव थिरांथा लानाय जायो होनना खौरां बिबुंसाराव फोरमायजायो।
दैबानायाव खहा जानाय आरो राहा लानाय आरो फिन सुफुंथाय होनाय नि सायाव खुंनाय गंसे मिथिंङाव गिबि मन्थ्रि सर्बानन्द सन'वाला खाजोना बिफाना दैबानानि उननि समाव गुबुन गुबुन जायगायाव लानाय बायदि बायदि राहानि थाखाय बिफाननि बिबानगिरिनो बाख्नायथारो।
मख'जाथावदि गिबि मन्थ्रि सर्बानन्द सन'वाला सोलिफु बोसोरनि गोदानै आजावनाय मावबिथांखिनि सिङाव खाजोना बिफानखौ गिख्रंथाव दैबानायाव खहा जानाय दुखुथिया न'खरखौ 3,800 रां रिलिस रोखा खालामनो बिथोन होदों।
Also Read: ए पि एस सि नि गोबां फोरमानलाइ जब्द खालामो
Also Watch: ABSU demanded district administration to take stern action against anti-social activities