Begin typing your search above and press return to search.

हादोरनाङैनो कंग्रेस दोलोआ रांखान्थियारि गाज्रि हालोद आरो बेखार जेंनानि हेंथायै सोमावसारनायगोन

हादोरनाङैनो कंग्रेस दोलोआ रांखान्थियारि गाज्रि हालोद आरो बेखार जेंनानि हेंथायै सोमावसारनायगोन

Sentinel Digital DeskBy : Sentinel Digital Desk

  |  5 Nov 2019 10:08 AM GMT

Guwahati : दुलाराय भारत कंग्रेस कमिटि (AICC) नि हांख्राइनायाव दिनैनिफ्राय अदेबानि 5-15 सिम हादोरनाङैनो रांखान्थियारि गाज्रि हालोद (Economic Slowdown) आरो जौगाखांनायाव फेलें बायदिखौ लानानै गोख्रों सोमावसारनाय हाबाफारि लादों। बेनि बाहागो महरै सा-सानजा हादोरसानि आसामाव सोलिफु दाननि 6-9 नबेम्बरसिम मोनसे सोमावसारनाय (Protest) दिन्थिफुंनाय जासिगोन।

मैया आसाम प्रदेश कंग्रेस कमिटि नि गाहाइ मावखुलि राजीब भबनाव खुंफुंनाय मोनसे खौरांगिरि मेल (Press Conference) नि गेजेरजों बे खोथाखौ रोखा खालामना होयो दुलाराय भारत कंग्रेस कमिटि (All India Congress Committee) नि गाहाइ नेहाथारि (General Secretary) अबिनाश पान्डे बिथाङा। लोगोसे पान्डेया दाजाबदेरनानै बुंबावो दि मिरुआव खुंथाइ गोहोयाव जिरायबाय थानाय भारतीय जनता पार्ति सुंद'यै बि जे पि नि सोरखारनि बा बोसोरनि खावसे समाव साख्रियाव थिसन्नो हायै जेंना (Unemployment Problem) या 45 बोसोरनिख्रैइबो बांद्राय जाबाय। बेल' नङा , रांखान्थियारि द्लाम गाज्रि हालोद, सानफ्रोमबोनि नांगौथार मुवा बेसादनि बेसेन बांलांदों, रांआरि हालोदा हायलांदों, आबादारिफोरनि थैलांनो हमदों आरो सोरखारि आरो गावारि खोन्दोआव गोबां साख्रि गोमालांनायनि सावगारि नुजादों। राज्यो-राजा सुबुं समाजा बे गाज्रि हालोद सोलिबाय थानायनि हेंथायै जांख्रिखांनाय सोरजिनांगोन। बे गासैबो दुखुनांथाव जाथायजों भुगिनांनाय आरो गाज्रि हालोदनि थाखाय बि जे पि नि सोरखारा दायनिगिरि।

AICC नि गाहाइ नेहाथारि पान्डे बिथाङा आरोबाव बुंबावो दि दुलाराय हादोरावनो दासिमाव रांखान्थियारि बायग्र जिग्र थासारि‌। दोलो एबा सोरखारनि दैदेनगिरि रावबो बे गाज्रि हालोदनि सोमोन्दै बुंफोरथि होआ। हादोरनि रांखान्थियारि गाज्रि थासारिया मुलुगनि मादावनो मोनसे गोख्रों हालोदजों सौग्रावफैदों। खामानि गैयि साख्रियाव थिसनहैनायाव फेलें, आबादारिया थैलांनो गोनां जादों होन्ना गोख्रों अ'जद दैखांङो। फैगो डिसेम्बर दाननि गिबि सप्ताहनि गेजेराव गोदान दिल्लीयावबो सोमावसारनाय जागोन होन्ना बुंथियो।

आसाम प्रदेश कंग्रेस कमिटि (Assam Pradesh Congress Committee) निफ्राय मोननाय खौरांनि बादिब्ला सोमावसारनाय हाबाफारिनि गिबि बाहागो गुवाहाटी नोगोरमायाव थानाय भारतीय रिजार्व बेंक (Reserve Bank of India) दरखं मोखाङाव खुद्रिसारगोन आरो हादोरसानि गुबुन गुबुन जिला कंग्रेस कमिटिनि मददाव गाहाइ जायगाफोराव सुबुं बेरेखा खामानि आरो हादोरनि गाज्रि हालोदखौ राज्यो-राजाखौ सांग्रांथि खालामनायनि थाखाय गोख्रों सोमावसारनाय हाबाफारि दिन्थिफुंनाय जागोन।

मख'जाथावदि दुलाराय भारत कंग्रेस कमिटि नि गाहाइ नेहाथारि अबिनाश पान्डे बिथांजों लोगोसे आसाम प्रदेश कंग्रेस कमिटि नि गागि दैदेनगिरि आरो सामगुरि बिधान सभा बियाबनि एम एल ए (Legislator) रकिबुल हुसेन, आसामनि बेरेखा दोलोनि गाहाइ दैदेनगिरि देबब्रत सइकीया , बारग' गिबि मन्थ्रि भुमिधर बर्मन मोनजों गोबां गुबुन गुबुन मासियाव जिरायफैनाय मावथि दैदेनगिरि मोनाबो बाहागो लाफैयो।

Also Read :बर’लेण्ड मुलुगसोलोंसालिया 12 बि मानदान्दा मोननायाव बर’ थुनलाइ आफाद आरो इउ बि पि अ आ गोजोनदों

Also Watch: Assam Martial Arts shines at World Martial Arts Games 2019 in London

Next Story