गुवाहाटिः आसामनि गुबुन सिमना ओनसोल आरो हालामफोराव हादोरनि बेरेखा दायनिगिरि महरै खामनि मावनायफोरा साग्लोबनानै दं। आसाम हादोरसानि नआरि आरो राजखान्थिआरि(Home and Political Department) बिफाननि गेजेरजों पुलिस एबा फाइखिफोरनो क्राइम- ब्रान्स नि गेजेरजों सुलु लानायनि थाखाय बिबान थिसनदों।
हादोरसानि मोन्थिहोनाय बादिब्ला" आसाम पुलिस एक्त, 2007, नि बादियै माखासे गोहो दाफुंनाय खोलोब 11 गेजेरजों 11 चेप्टार, आरो 55 खोलोबनि iv चेप्टार "खौ माव बिथिंनि थाखाय बारहोनाय जायो।
रांआरि बिफानाफोराबो (EC-II) बे माव बिथांखिखौ मावनायाव गोनां बेखौ फोरमायनायजों थांखि दैखाङो।बे बिथांखिखौ आसाम हादोरनि लोगोआरि गाहाय नेहाथारि (Additional Chief Secret) ( नआरि आरो राजखान्थियारि बिफान) नि कुमार सनजय कृष्ना बिथांनि गेजेरजों 2019 माइथायनि 22 अक्टबराव थिसनन लाजायो आरो गोख्रैनो बे माव बिथांखिखौ मावफुंनायनि खोथा होयो।
"क्राइम ब्रान्स पुलिस थाना" या कामरुप (मे) जिल्लायाव थागोन बेखौ मोन्थिहोदों। गोख्रों खामानि मावनायनि सायाव बेयो सोनारगोन। गाहायै बेयो गुवाहाटि पुलिस बेंगिरिफोरनि एलेखानि (jurisdiction of Commissionerate ) सिंआव थागोन। बिबान बानथनाय मावगिरिया ( Office in-Charge) पुलिस बेंगिरिआबेनि गाहाय नेहाथारि (Assistant Commissioner of police) जागोन।
"क्राइम ब्रान्स पुलिस थाना " या संगालि संनाय खामानिखौ मोन्थाम थाखोनि गेजेरजों मावनाय जागोन होनना मोन्थिहोदों।
1. बांद्राय दायनिगिरि आरो थाखानाय दाय
2. चाइबार दायनिगिरि आरो रांखान्थियारि दायनिगिरि
3. जिल्ला इसिंआरि आरो हादोरसा इसिंआरि थाखो बाहागो आरो गुबुन खामनियाव लोब्बा थानायफोरखौ हादोरसा सोरखारनि गेजेरजों मदद होलायनानै सम बादि सम दायगिरिफोरखौ संनाय जागोन। बे गोनां संगालि संनाय खामनिया गुवाहाटिनि डि.जि.पि (Director General of Police) नि दैदेननायनि गेजेरजों जागोन जायनि थाखाय आसाम पुलिस एक्ट 2007 नि सायाव सोनारनानै बे बिथांखिआ मावजागोन बेखौ मोन्थिनो मोननाय जादों।
Also Read: आइ.एसनि (IS) गाहाय अल- बागदादिआ गैला: थ्राम्फ
Also Watch: Titabor Model Hospital Inaugurated by Minister of State for Health Pijush Hazarika