गुवाहातिः बावैसो भारत सोरखार मिरुनि देहायारि आरो आइजो अनसाय सोमवसार निफ्राय आसामाव चि.अ.पि.ति.ए (COPTA) नि थाखाय लाइजाम हरनायाव आसामनि राजथावनि डिसपुराव गोराथि खालामदों। जायनि थाखाय चि.अ.पि.ति.ए (COPTA) नि सामलाय आफादनि सिङाव थिसनजाखानाय माखासे नेम खान्थिफोरखौ मानिहोनो थाखाय हादोदाव थानाय मोनफ्रोम सोलोंसालिफोराव बे हाबाफारिनि सायाव खामानि मावनो थाखाय थोननाय बादि डिसपुराव बेखौ मावफुंदों ।
बेखौ मोन्थिनो मोननाय जायोदि बे मिरु सोरखारनिफ्राय लाइजाम मोनब्लालसो बेफोर बादि खामानिखौ मावफुङो बे नङा होनना खौरानि गेजेरजों मोन्थिनो मोननाय जादों।
फोरमायनाय बादिब्ला आवगायनि खुदिया आरो आइजो जौगाथाय बिफाननि जथाय हादोरनि मन्त्रि जुबिन ईरानिआ आसामनि गाहाय मन्त्रि सरबा नन्द सनुवालसिम जायखि जाया जायगावनो जिनाहारि खालामनाय होबथा खामानिखौ मावफुंनांगौ होनना फोरमायनायाव बेफोर खामानिखौ (Prevention, prohibitio, & Redressal Act 2013) बादियै हादोदोरसायाव मावफुंदों होनना फोरमायो।
खोन्दो 4 (Section 4) आव चिगारेत आरो गुबुन निसा गोनां मुवाफोरखौ एक्त 2003 निसा मुवाफोर बानायनाय, फोसावनाय, रानसारनाय, फाननाय होबथा (Prohibitio of Advertisement and regulations of Trade and commercie production , supply and Distribution ) बादियै थांखि लानाव जायो। चि.अ.पि.ति.ए खोन्दो 6 नि बादिब्ला (COPTA, Section 6) मानसि थानाय जायखि जाया जायगायाव चिगारेत सोबहोनो हायि आरो 18 बैसो जायि सुबुंनो रावबो निसा मुवा होनो मोननाय नङा, लोगोसे सोलोंथाय सालिनि जौसे इयार्ड गोजानाव फाननाय जाथों होनना आयेन दानाय जायो।
जायनि थाखाय चि.अ.पि.त.ए (COPTA) नि आयेनखौ लानानै आसामजों लोगोसे सा-सान्जा जायगायाव खामानि मावनानै जेबो फिथाय थायनाय नुनो मोनाखै बादिखौ लानानै भारत सोरखार मिरुनि देहायारि आरो आइजो अनसाय आफाद सोमावसार मन्त्रिया आसामनि हादोरनि गुबै नेहाथारिनो चि.अ.पि.ति.ए (COPTA) नि फारसे मावफुंनो गांसे गोरलै लाइजाम हरो।
देहायारि आरो आइजो अनसाय आफाद सोमावसारनि थांखिनायाव चि.अ.पि.ति.ए .खोन्दो 6, 2003 (COPTA Secton 6, 2003) नि गेजेरजों निसा मुवानिफ्राय गोजानाव लाखिनो,गोनांथियै जायफोर फरायसाफोरा निसा मुव बाहायो बिसोरनि थाखाय, निसा नागार सोलोंथाय फोर (To-FEI) सोलोंहोनाय खामानियाबो देहायारि आरो आइजो अनसाय आफाद सोमावसारनि गेजेरजों जागासिनो दं होनना लाइजामाव फोरमाहरो।
गाहायै दा बेफोर मावफारिखौ लानानै हादोरनि सोलोंथाय बिफाना (SDE) जेसेबां सोलोंथाय सामलायगरि आफादफोर दं सोलोंथाय होनायजों लोगोसे चि.अ.पि.ति.ए खोन्दो 6, 2003 (COPTA) Sectio 6, 2003) हाबाफारिनि सायाव मैखोम बाहागो लानांगौ होनना फोरमायनाय जादों।
