दिसपुरा सोरखारि साखोरिनि सायाव गोदानै नोजोर

गुवाहाटिः 2021 माइथायनि 1,जानुवारिनिफ्राय जायफोर बिसि बिसायहा सानैनि बांसिन गथफोर दं जेरैबादि 2006 "गथ हाबा एक्ट " बादि सोरखारनि साखोरि गसर गाबनो हानायनि मोन्थाय थानाय नङा एबा अजग्य होनना फोरमायदों।

‌थांनाय 21 अक्टबर खालाराव मन्त्रि हादोरसा मावफुं सावरायज्लायनाय बे थांखिखौ मावफुंनायनि थिरांथा लायो। 1965 नि आसाम चिभिल सार्भिस मानिनां फारिफोरनि सायाव लोबबा लाखानानै आरो बेखौबो मोन्थिनाय जायो 2019 नि मानिनां फारिफोरनि आसाम सार्भिसस बिजाथिफोरखौ लानानै बिफान खोनदोयै थिसननायनि लामाफोरखौ थाबैनो मोन्थिहोनाय जागोन होनना फोरमायदों

‌माखासे हादोरसायाव फिसा बिमा खान्थिनि नखर सक्तिजों दैदेनजादों।

‌आसाम सोरखारा आसामनि सुबुं आरो आइजो गोहो बिमा सक्तिखौ लानायजों सोरखारनि साखोरि गसर गाबननो हानायनि मोन्थाम थाखोखौ फोरमायनानै होदों। थिसननानै लाजानाय थाखोफोरानो जाबाय

‌1. गसर गाबग्राफोरहा सानैल गथ थानांगोन

‌2. सोरखारि खामानि मावग्राफोरा सानै गथ खांनाय नेम फारिखौ मानिनांगोन।

‌3. हौवा एबा हिन्जाव जायफोर सुबुंआ बैसो जायै समावनो हाबा लानयाफोरा जायखि जाया सोरखारनि साखोरि माव बिथिंफोराव गसर गाबनो हानाय नंआ।

‌अदेबानि रावबो सुबुंआनो जायखि जाया सोरखारनि मावखुलि, बायदि बायदि साखोरिफोराव जायफोरा बैसो जायै सामावनो हाबा लाबायब्ला जायनि थाखाय 2006 एक्ट नि "गथ हाबा हेंथा होनाय" खौ बिथा खालामनानै सोरखार साखोरि मोननायनि गनायथाव जानाय नंआ होनना मोन्थिनो मोननाय जादों। खोलोब 2 (ए) बे हाबाफारि बादि गथ होनना जायफोर हौवा सुबंहा 21 बोसोर बैसो आबुं जायाखै आरो हिन्जावफोरा 18 बोसोर बैसो आबुं जायाखै बिसोरखौ थांखिना बुंनाय जादों। खोलोब 2 (बि) बे हाबाफारिया "गथ हाबा " या मोनसे सानैनि गेजेराव रादाय होलायना लानायानो सासे गथ'।

‌बेरा फारसे गंसे फिसा नखरनि दाथाय बादियै 2021 माइथायनि 1 जानुवारि दानननि उननिफ्राय रावबो सुबुंआनो सानै गथनि बागै बुरजा गथ थानो मोननाय नंआ आरो हादोरसानि सोरखारि बायदि बायदि साखोरिफोराव सासे ऐबा सानैलआसो गसर गाबनो आरो खामानि मावनो हानायनि गनायथि महरै नाजावजागोन।

‌थेवबो बेफोर बिथांखिखौ मानिजाथाव महरै खालामनायनि बिथिंआव मोननै थाखोआव बोफोरना होनाय जादों।

‌1. जुदि "गसर गाबग्रा सुबुंहा सासेल गथ दं, उनाव नाथाय सासेनि बांसिन गथ जोनोम होयोब्ला बेखौ सिनायथि होनायजों गावनि होनना गनायना लानांगोन जेब्ला गथनि बिसान खालामो"

‌2. "2021 नि 1 जानुवारि दाननि सिगांआव सासे सुबुंहा सानैनि बांसिन गथ खांदोंब्ला बिसोरहा होखानाय फोरमायथि अक्ट'बादि गसर गाबनो हानायनि गनायथि मोननो राहा गैया"।

‌बेखौ लानानै जाय नखरा "फिसा नखरनि दाथाय आरो सानैनि बांसिन गथ गैया बिसोरनि थाखाय सोरखारनि साखोरिफोराव थोंजोंयै गसर गाबनो हानायनि राहा दं"

‌बबेखानि जायखि जाया हादोरसानिफ्रा साखोरिनि थाखाय गसर गाबनायनि गेजेरजों आबुं फोरमान्थिखौ गनायथिजों लोगोसे थिसनजाखानायबादि गसर बिलाइजों होफानांगौखौ फोरमायदों।

‌जायनि थाखाय गसर गाबनाय बिलाइफोराव नायफिनथि रोखा खालामनायाव नंखाय फोरमानथि मोनोब्ला गसर गाबग्रानि हेंथायै साखोरिनि बिबाननिफ्राय बोखारनाय जागोन आरो गानाय जायि जागोन होनना मोन्थिनो मोननाय जादों।

Also Read: बि.जे.पि आ हाजों बानायनाय बाथि रानना होयो

Also Watch: Titabor Model Hospital Inaugurated by Minister of State for Health Pijush Hazarika