आबुं एन आर सियाव आइन बेरेखायै हाबसनजानाय सुबुंखौ बोखारना आसामनि थागिबि फिसाफोरनि मुं थिसननांगौ

गुवाहाटी,6 सेप्तेमबरः मिरु बर' थुनलाइ आफादनि खुंफुंनाय गंसे खौरांमेलनि गेजेरजों आबुं नोगोरारि सोदांनाय फारिलायाव गुबुनारि महरै सायख' जाखानाय साफ्रोमबो नोगोरारिखौ बोखारनांगौ आरो फरेनार ट्रिबुनेलसिम दैथायहरनांगौ । बर' थुनलाइ आफादनि दैदेनगिरिमोना दाबि दैखांङो दि गोबां बोसोरनिफ्राय राज्यो जानाय थागिबि हा फिसाफोरनि नंथारगौ फोरमानलाइ नायबिजिरनायनि गेजेरजों आबुं नोगोरारि सोदांनाय फारिलाय सुंद'यै एन आर सि फोसावजानाय फारिलायाव हाबसननो खावलायो ।

गुवाहाटी नोगोरमानि दिसपुर प्रेस क्लाबाव खुंफुंजानाय गंसे खौरांमेलनि गेजेरजों बर' थुनलाइ आफादनि मिरु आफादगिरि तरेन बर'आ बुङोदि जोबथा नोगोरारि सोदांनाय फारिलायाव गुबुनारि महरै सायख' जाखानाय साफ्रोमबो नोगोरारिखौ सिनायफ्लांनो नांगौ आरो गोबां थागिबि फिसाफोरनि मुं फारिलायाव गैया। मा जाहोननि थाखाय थागिबि फिसाफोरनि मुं फारिलायाव हाबजायाखै होनना सोंथियो।

बर' थुनलाइ आफादनि लेङाइ आफादगिरि कमला कान्त मोसाहारिया खौरांमेलाव थानानै जोबथा नोगोरारि सोदांनाय फारिलायखौ लाना बुंदोंदि सोनाब पाकिस्ताननिफ्राय आसाम हादोरसायाव हाबसनफैनाय सुबुंफोरखौ आसाम गोरोबथायाव नंगुबै नोगोरारि सानजादों। मख'नो गोनां दि आसामाव गोबांङानो नोगोरारि सोदांनाय फारिलाय आपडेट खान्थि सोलिबाय थानाय समावनो हानसनफैदों । जोबथा नोगोरारि सोदांनाय फारिलायाव मुं दानजाखानाय गासै19 लाखनिबो बांसिन सुबुंनि गेजेराव थागिबि फिसाफोरनि मुंबो दंजोबो। जेराव सा 15 लाख सनदेहगोनां नोगोरारिखौ एन आर सि निफ्राय होखारहरनाय जादों। दायो सोरखारनि गाहाइ खामानिया गासै 17 लाख नोगोरारिखौ ( बे एन आर सि याव गनायजानाय 15 लाख आइन बेरेखायै आरो 2 लाख डि भटार ) फरेनार ट्रिबुनेलाव ट्राइल खान्थिनि गेजेरजों होखारहरनाय। जदि 1951 माइथायनि हादोरारि थाखोयाव नोगोरारि सोदांनाय खामानिखौ मावफुंङोब्लाआसाम हादोरसाखौबो लाफानो खावलायो ।

Also Read: फोरोंगिरिया सुबुं समाज सोलायथायनि बेलायाव गोनांथार बिफाव लानांगोन

Also Watch: 68 packets of suspected ‘Lali Gur’ worth Rs 1 Lakh seized in Naharkatia