गुवाहाटिः भारत सा सान्जा ओनसोल आरो बांलादेस मोननै हादर गोरोब मावथांखिखौ गोख्रै मावफुंना जाफुं होनायनि खोथाफोरखौ लाना सावरायदों।
बावैसो साननैनि हादोररारि लोगो लाज्लाय (Stakeholder) हाबाफारिया जाखांना थांनायनि उनाव हाबाफारिआव बाहागो लाग्राफोरनि गेजेराव बे हाबाफारिआ सामलायजादों।
नन अपरेस्यनालाइजास्यन अफ बिलातेरेल आरो नन तारिफ सुमोन्थाया गाहाय थाखोनि भारत सा सान्जा ओनसोल आरो बांलादेस नि गेजेराव जिउ राहानि गोख्रों खालानायनि फिननाय होयो। मोननै हादोरनि गोरोबलायनाया गोख्रोङै जौगा सोलायलु बिथिङाव मदद खालामगोन, बे गोरोबथायफोरा आबुङै मावफुंनो हायाब्ला नाथाय हादोराव जेंना सोमजिगोन" होनना बांलादेसनि फालांगि बिफाननि थान्दैआ आ बुङो।
हादोरमानि सामलायगिरि (इन्डिया रेसिदेन्ट मिसोन) एसिया रां बाख्रि जौगाथाय (ADB) केनिचि इयकवामा बिथांआ हादोररारि लोगो लाज्लाय (Stakeholder) आव लोगो लाज्लायनायाव भारत आरो बांलादेस मोननै हादोरनि जिउ राहा नि खामानि मावफुंनायाव इउ.एस.डि (USD) 10 बिलियन होनना बुंदों। भारनि रां बाख्रि एकावन्टाव बांलादेसनि 16.4 जौखोन्दो हाबफाना दं, नाथाय सा सान्जानिफ्रा 1.2 जौखोन्दो होनना बिथांआ बुङो।
भारत हादोरनि सा सान्जा माव खथानि रां खान्थियारि सासे सोद्रोमाया बे हाबाफारियाव बाहागो लानो मोननायाव बेखौनो सावरानाय नुनो मोनोननाय जादों दि थाबैनो मोनै हादोरनि गेजेराव हान्थामेलानि (Transport) सुबिदानि सायाव गोरोबथायखौ भारत आरो बांलादेस मोनै हादोर मावबिथांखिबादियै खालामनाया मोजां जागोन लोगोसे भारत हादोरनि सा सान्ज, बांलादेश निफ्राय भुतान हादोरसिमबो हान्थामेलानि (Transport) थाखाय सानगोन होनना खावलालो।
बांलादेश हादोरनि रांआरि बोसोनगिरि ए.के.एम मासिहुर रहमाना हादोररारि लोगो लाज्लाय (Stakeholder) हाबाफारिआव बाहागो लाफानो मोननानै बांलादेश हादोरनि प्राइम मिनिस्तार सिख हासिनाखौ मंगलबाराव लोगो हमो, सिमा ओनसोल गाहाय ओनसोलफोराव जिउ राहा नि गोरोबथाय खामानिफोरा जखायै मावजादों होनना मोन्थिहोयो।
बेखौबो फोरमायदोंदि बे माव बिथांखिआव मोननै हादरनि गेजेराव मोनसे थि खान्थि महर थांगोन होनना।गाहायै मोनसे जेंनाया जाहैबा बांलादेश हादोरनि दिहुन्थायनि फोरमान बिलाइफोरा भारत हादोरनि माबेबा सिमा ओनसोलाव गनायना लाजाया, मोननै हादोरनिबो नायबिजिरलुफोरा समानै गनायजानाय बादि जानाया गाहाम आरो हेंथा होज्लालनायफोरखौ नागारनांगौ होनना रहमानआ बुङो। हादोररारि लोगो लाज्लाय (Stakeholder) हाबाफारिआ बेखायनो माखासे गोनां बाथ्राफोरखौ लाना सावरायना हाबाफारिमोन, बतलनेकस बोखारनाय, भिस-आ-भिस बेसेनथि होयि, बेरा हेंथा होनाय बेफोरखौ सोलायहोनाया जोबोद गोनांथि होनना बुङो।
गाहायै मंगलबार आरो बुधबारनि साननैनि गोलाव हाबाफारिआव मोननै हादोरनि सिमाफोराव दै लामा जौगाथाय, दै लामा बानायनाय, हा आरो दैनि सायाव जौगाहोनाय आरो मोननै हादोरनि गेजेराव बाररारि फोनां जाब खालामनाय। गाहायै भिस-आ-भिस बेसेनथि आरो रां खान्थि हालोद जौगाथायनि सोमोन्दै सावरायज्लायो।
लोगो हमज्लाय सावरायनाया गोनां गोनां बाथ्राफोरनि बिथांखिफोर लानानै फैगौ बोसोरफोराव मोननै हादोरनिबो रां खान्थि बिथिंआव जौगाहोनायनि खोथा लाज्लायनाजों सावरायमेला जोबनानै थाङो।
