=
Sarupathar : आफां आसामनि गलाधाट जिलानि दाब दाब खना खन्लायाव दैबाना उसिफावनाय सावगारि । मख'जाथावदि जिलानि धनसिरि महकुमा खुंथाइ (Sub Division) बिफाना धनसिरि दैमा (River) नि साखाथि फाखाथिनि राज्यो राजाखौ साग्रिद (Alert) खालामना होयो। मोनथिनो हानाय सुलुं (Sources) नि बादिब्ला थांनाय साननैनि बारा सानाव नागारनाय गैयै गोबार अखा हानायाव खैफोद सिमा (Danger Mark) नि साजों दै बोहैलांनायाव बै सांग्रांथि फोसावनाय जादों।
रायखांनो गोनां दि महकुमा बेंखननि सिङाव थानाय जावलिया दैबानायाव गं 22 गामि , ओनसोलाव खहा जालांङो , बेफोरनि गेजेराव दं 1 नं सुंङाजान ब्लक, नागाजुरि, सिंगिमारि, 1 नं पदुमनि, 1 नं पारधाट, बिलपाथार, नै नं कैरिगाव, 2 नं पान्जान, दुबारानि, सिमुलुसापुरि, 1 नं आरो 2 नं टेंगानि , जतिबान, रानिपथार, धनसिरिपार, मिसामारि ,सान्तिपुर, माटिखुला, राजलि, एकारानि बाइदि बाइदि ओन्सोलाव अखानि दै लोमसावनायाव हालाय हाफाय जानांगौ जायो।
रायखांनो गोनां दि अखानि दैयाव थेर बेथेर जानांनाय गुबुन गुबुन गामिनि दुखुथिया सुबुंफोरखौ दासिम हालागै धनसिरि महकुमा खुंथाइ बिफाना (Sub Division Administration) जायगानि रैखाथि बादा (Relief Camp) आव आश्रय लाहोनाय जादों। दैबानायाव खहा जालांनाय सुबुंफोरखौ सेरखाय बेरखार थिलिनिफ्राय बोखारनानै सुबुंफोरनि थाखाय गासै गं 17 रैखाथि बादा थिसन्नाय जादों।
बिसोरनि गेजेराव नागाजिरि गुदि फरायसालि (L.P School) आव सा 191 , जतिबान गुदि फरायसालिआव सा 1393, 1 नं पारधाट गुदि फरायसालि (L.P School) आव सा 304, टरा पदुमनि गुदि फरायसालि (L.P School) आव सा
295, पदुमनि गेजेर फरायसालि (Middle Primary School) आव 646, सिमुलुसापुरि गुदि फरायसालि (L.P School) आव सा 225, सिंगिमारि गुदि फरायसालिआव सा 140, नं 2 पदुमनि गुदि फरायसालियाव सा 589 आरो सा 330 दुखुथिया सुबुंफोरखौ बुद्ध मन्दिराव आश्रयनि राहा लादोंमोन खुंथाइ बिफाननि बिबानगोरा मोना। बेफोरनि अनगायैबो फकरद्दीन गुदि फरायसालियाव सा 1100, धनसिरि गेजेर फरायसालि (M.E School) आव सा 66, जवाहरलाल सिनियर बेसिक फरायसालियाव सा 404, सा 180 खौ सिमुलु सापुरि, 1 नं दुबारानि गुदि फरायसालियाव सा 118 , सा 147 खौ बापुजी गुदि फरायसालियाव आरो रायपथार गुदि फरायसालि (Lower Primary School) आव सा 273 सुबुंखौ रैखाथि बादायाव आश्रय लागासिनो दं।
मख'जाथावदि मोनथिनो हानाय खौरां (Report) नि बादिब्ला खर'सा आसामनि गलाधाट जिलानि सिङाव थानाय दुलाराय आसाम फरायसा आफाद (All Assam Students Union) आरो दुलाराय आसाम माइन'रिटि फरायसा आफाद (All Assam Minority Students Union) नि सरुपथार दालाइसा आफाद (Regional Unit) नि मावथि सोद्रोमामोना सिगिहोनाय दैबानायाव सेरखाय बेरखाय थासारिजों भुगिनांनाय दुखुथिया सुबुं (Victims) फोरखौ नांगौ रोखोमनि जाग्रा आदार (Foods) , मुवा बेसाद (Essential Commodities) फोरखौ रानना होलांदों। लोगोसे हादोरसा अल'खद सामलाय बिफान (State Disaster Resource Force) आ नाजानायाव बोखांनाय खामानिया सोलिगासिनो दं होन्ना फोरमायदों खुंथाइ मावख'गोरा मोना।
Also Read : दैजिं फोर्बोनि थाखाय मालाइका आर’रा आरो नेहा काक्कार बिथांमोनहा गुवाहाटीसिम सफैबाय
Also Watch: Fake IPS officer apprehended by locals in Biswanath