अदालगुरियाव एबसुनि बारग' नेहाथारि रिन्जय बर'आ बिजेपि दोलोआव हाबहैबाय

अदालगुरि : दा बावैसो सान सिगां मिरु दुलाराय बर' फरायसा आफादनिफ्राय हरख्लाय जानाय फरायसा आफादनि बारग' नेहाथारि रिन्जय बर' आरो अदालगुरि जिला बर'लेण्ड फरायसा आफादनि मनज बर'जों लोगोसे गोबां सोद्रोमायानो भारतीय जनता पार्ति सुंदयै बिजेपि दोलोनि सानथौ आरो फोथायनानै अदालगुरि बिष्णु राभा कृष्टि संघआव हाबाफारियाव जगदान खालामो।

मख'जाथावदि बि जे पि नि अदालगुरि जिला समिति बान्जायनाय हाबाफारियाव आसाम बिजेपि दोलोनि गागि दैदेनगिरि अदेबानि मंगलदै संसदारि बियाबनि गोदानै सायख'जाखानाय सांसद दिलिप कुमार सइकिया,कार्टिक चन्द्र बर', आफादगिरि, अदालगुरि जिला बिजेपि आरो गोबां राज्यो राजाया बाहागो लाफैयो।

बि टि सि अदालगुरि जिला बिजेपि दोलोनि आफादगिरि कार्टिक चन्द्र बर' बिथाङा गावसोरनि बिबुंथियाव बिजेपि दोलोआसो जोंनि हालामाव गाहाम खुंथाइ आरो जौगानायनि माइलखुन्थिया गायसननो हागोन होन्ना बुंथियो। लोगोसे मंगलदैनि सांसद दिलिप कुमार सइकियाया बाहागो लानान बुंथियो बिजेपिआ मोनसेल' राजखान्थियारि गोहो जाय मिरुयाव गोबां समहालागै सोरखारनि खुंथाइ गोहोयाव गसंनानै राज्यो राजाखौ सासन खालामगोन।

बिथांआ गासैबो गोदानै हाबखा जाखानाय सोद्रोमाफोखौ हामलायथि बावहरो। मख'जाथावदि बर'लेण्ड जारखुंथाय गौथुमनि बिसायख'थिनि सिगां सोरखारनि लोगो दोलो बि पि एफ नि खरंआव हाबनानै बि जे पि नि सोद्रोमा एबा मददगिरि हाबहैनायखौ सादा- बुसा राज्यो राजानि गेजेराव गुवारै सावरायज्लायनाय जादों।

Also Read: टंलायाव दुलाराय आसाम फरायसा आफादा गुन गोनां फरायसाफोरखौ मान बावबाय

Also Watch: Onion Prices in Guwahati to rise upto Rs 75, claims Report | The Sentinel News | Assam News