Guwahati: गुवाहाटी नोगोरमायाव गासै गं 6,028 गोजौ थाखोनि सि सि टि भि केमेराया नोजोर लाखिगोन । गाहायै दुर्गा फुजाखौ नोजोर लाखिनानै गुवाहाटीनि पुलिस बिफाना गावसोरनि साखा-फारा जानायखौ नुनो मोननाय जादों। गाहायै मथर गारि आइन सिफायग्रा आरो सिखावखौ नोजोर लाखिनानै गोजौ थाखोनि केमेरानि लेन्स सुबुं थुबुर जानाय गुवाहाटीनि गोनांथार जायगाफोराव लाइट फसंनाय जागोन। गोजौ थाखोनि गं 1308 सि सि टि भि केमेरा मथर गारि आइन सिफायग्रा फोरखौ दबथायनायाव फसंनाय जागोन।
गुवाहाटी स्मार्ट सिटि लिमिटेड (GSCL) बिफाना दासिमाव गुवाहाटी नोगोरमायावनो गोजौ थाखोनि रिसलुसन आरो सि सि टि भि केमेरा फसंनाय खामानिया फोजोबलांबाय। बे खामानिखौ मावफुंनायाव गासै 607 कौटि रां खरसा जादों। गुवाहाटी नोगोरमानि इन्ट्रि पइन्टजों गोबां जायगायाव सि सि टि भि केमेरा फसं होनाय जासिगोन।
मिथिनो मोननाय सुलुंनि बादिब्ला गुवाहाटी पान्जाबारियाव 24 धन्टा सोलिबाय थानाय 6,028 सि सि टि भि केमेरा थागोन। बेखौ सा 50 मावथिफारियाया नायगोन।
गं 1,308 गोदान सि सि टि भि केमेरा मथर गारि आइन सिफायग्रा फोरखौ नोजोर लाखिना गोख्रों फसंनाय जादों। गुबैयै जाहोना गारि सालायना आइन सिफायना आरो जाब्रबथाइखौ खमायलांनायजों लोगोसे दबथायनो राहा लानाय। मोनथिनो हानाय सुलुंनि बादिब्ला, 311 केमेरा रेड लाइट एरियाआव सिगनेल सिफायग्रा सालायगिरि सुबुंखौ दबथायनो थाखाय गायसंजागोन, बेरा फारसेथिं जाय गं 997 अटमेटेद केमेरा आरो गं 89 खौ ट्रेफिक सिग्नेल सिफायग्राफोरनि थाखाय दबथायनाय थांखियै फसंनाय जासिगोन।
राज्योनि न'खर आरो राजखान्थि बिफाननि उफ्रा गाहाइ नेहाथारि, गुवाहाटी जौगाखां बिफाननि उफ्रा गाहाइ नेहाथारि, गुवाहाटी स्मार्ट सिटि लिमिटेडनि सामलाय बिथोनगिरि , गुवाहाटी मिउनिसिपाल कर्परेसननि कमिसनार, एमट्रननि सामलाय बिथोनगिरि, मदारनाइजेसन आरो लजिजटिकनि उफ्रा पुलिस डाइरेक्टर जेनेरेलखौ लानानै खामानिखौ गाहामै गाहाम जाफुंसार होनायनि थाखाय मोनसे गोख्रों टेकनिकेल आफाद दानाय जादों।
