वासिंटनः इस्लामिक हादोरसानि दैदेनगिरि आबु बाकार अल- बागदादिआ रबिबाराव इउ.एसनि गोगोम फाइखिनि सुलु लानायाव सिरियानि सा सोनाब इदलिब जिल्लायाव जिउ गारनांगौ जायो, बे खौरांखौ इउ.ऐसनि आफादगिरि डनाल्द थ्राफ्मआ रबिबाराव फोसावो।
मोनसे जुनिया मेडियानि गेजेरजों गुफुर नआव "थांनाय हरा इउ.एस आरो बहुमनि थाखैनो मोनसे गेदेर हर होनना, जायनि थाखाय सासे गेदेर उदखारि जाया दाय गैयै सुबुंफोरखौ जिंगासिहोबाय थायोमोन बियो दा गैला, माब्लाबाबो रावखौबो जिंगासिनाय नंला" होनना डनाल्द थ्राफ्मआ बुङो।
"थांनाय हराव इउनाइतेद स्टेटआ बुहुमनि बयनिख्रुयबो गिख्रंहोग्रा सासे उदखारिनि दैदेनग्रा आबु बाकर अल- बागदादि खौ बिजिरथायनि थाखाय लाबोयो"।
इउ.ऐसनि आफादगिरि डनाल्द थ्राफ्मआ सुनिबाराव
अल- बागदादि नि जिउ फोजोबनो हानायनि थाखाय तुइतनि गेजेरजों " मानसे गेदेर खामानि मावफुंनाय जाबाय" इउ.एस जुनिया फाइखिनि गेजेरजों हरनि समायाव मावनो लानाय खामानिआ जाफुंबाय" होनना मोन्थिनो मोनो।
अल- बागदादि जाया आइ.एस (IS) खौ गेजेर सान्जानि थांखिजों दादोंमोन। जायनि थाखाय इराक आरो सिरिया आरो मोनफ्रोम जायगायावनो जिउ हो खान्थिजों दैदेन्दोंमोन होनना डनाल्ड थ्राम्फआ बुङो।
बियो दा थैबाय जायनि थाखाय थैनायनि जोबथा सिमायाव सफैबायमोन, गासै बिथिंआवनो, सबुंफोरखौ मेगन मोदै गहोदोंमोन।
डनाल्ड थ्राम्फआ बेखौबो मोन्थिहोदोंदि "अल- बागदादिआ जायखि जाया समावनो गोबां नोजोर लानांगौ जायोमोन, गिथावथावथारमोन आरो हरनि समाव बांसिनमोन"।
लोगो आफादगिरि माइक पेन्चि, गाहाय लोगोआरि मासि हान्जाफोर, जेन मार्क मिलि आरो गुबुन फोरा जाथाय खथायाव थानानै " जों थारैनो जाफुंहोग्रा" जाय जाथायनि नुथायखौ नों नायदों होनना बुङो।
डनाल्ड थ्राम्फ बिथांआ फोरमाय बावनाय बादिब्ला इउ.एसनि सासेब फाइखिआ जिउ खहा जायाखै, नाथायबा "अल- बागदादि जों लोगोसे बिनि हान्जानि उदखारिफोरा जिउ फोजोबजादों" होनना मोन्थिहोदों।
बे खामानिआव मदद खालामनायनि थाखाय डनाल्ड थ्राम्फआ रासिया, तुरकि, सिरिया आरो इराक, बेफोरजों लोगोसे सिरिया आरो कुरादस हादोरफोरखौ हामग्लायनाय बावो।
बि.बि.चि.नि खौरां बादिब्ला अल- बागदादिआ बयजोंबो सिनायजानाय सासे उदखारिमोन। आव 2011 इउ एस आ बिखौ जिउ साजा होनायनि थाखाय मोनसे थांखि दैखांजादोंमोन, $10 मिलियन रां बान्था होनायनि।
सा बागदाद हालामानि सामारायाव 1971 आव जोनोम मोन्दोंमोन,जायनि आबुं मुंआ इब्राहिम आवाद अल-बाद्रिमोन।
मोन्थिनो मोननाय बादिब्ला बियो 2010 आव इराकआव अल काइडानि दैदेनगिरि बिबान लायो आरो उनाव 2014 नि जुलाइ लानाव आइ.इस (IS) दायो। बेनिफ्रायनो इराक सेराव थानाय अल-नुस्रा जों गाग्लोबजेननो हमो।
Also Read: आसामनि गाहाय मन्त्रिआ सांग्रां ने ?
