कर्नाटक नि सासे सेंग्राया खेलायाव 23 कौटि रां देरहाबाय

Karnataka : सासे 24 बोसोर बैसोनि सासे दक्षिना कानाड़ा गामिनि बुक किपार । जाय आबु धाबियाव टिकेट बादायलायनाय सिमां नुदोंमोन। बान्जाय आफादा खेलायाव खेलायाव खाफाल गेवनाय सुबुंखौ लिंहरनानै 12 मिलियन अदेबानि भारतारि 12 कौटि रां देरहानाय नि खोथा फोरमायो।

जात्तिपाला सुल्लियानि मह्हमद फायाज जा मुंनि सुबुंआ अरायबो दुबाइआव खामानि मावनो नागिरदोंमोन नाथाय बियो माब्लाबाबो लैथो रुगुंआव थांफेराखैमोन। जोबथानायाव बिथाङा पासपर्ट मोन्दोंमोन, नायगिदिंनायनि थिरांथा लाथ'लाखैमोन। बिथांआ बुंबावो दि आं मुमबाइआव बोसोर सेनि सिगां एकाउन्टेन्नि साख्रि मोनदोंमोन।मह्हमद फायाज जा बिथाङा खौरां फसंथानखौ मोनथिनाय खौरांनि बादिब्ला अनलाइन लटारि टिकेट बायनानै खेब द देरहानो नाजादोंमोन। नाथाय बे खेबाव 9,600 लादोंमोन।

बेफार फालांगि आयदायाव डिग्रि उथ्रिखांनाय फायाज सेप्टेमबर दानावबो टिकेट बायना लादोंमोन। नाथाय बिथांआ 23 कौटि रां देरहानानै जिउनि गांनाय उखैनायखौ सोलायनायनि खोथा सानफेराखैमोन। बुरजा बिबांनि रां मोननानैबो साख्रि हगारनायनि खोथा सानाखैमोन मानोना बे साख्रिया आं जोबोद खस्थ'यै मोनदों होन्ना फोरमायबावो।

फायाज बिथाङा आरोबाव बुंबावो दि न'खरनि हालोदखौ गोजोन होनो थाखाय हादोरनि बाहिरायाव साख्रि मावहैनायनि खोथा सानदोंमोन। नाथाय आं आंनि जोनोमगिरि बिमा बिफाखौ कीडनी बेरामाव जिउ गोमालांनो गोनां जायो। बेनि उनाव गंसे कम्पानियाव हिसाब सानगिरि (Accountants) नि साख्रि मोनदोंमोन।

आंनि बिफाया सौदि आरब हादोराव गोबां बोसोर Toilet आव खामानि माव लांदोंमोन होन्ना बुंथियो फायाजा। आंनि आदा, सानै बिनानाव जों बयबो थैलांजानाय बिमा बिफाखौ गोसोखांहरो। जों हानि एसे बाहागो फानग्रोदों मोनबो नाथाय बेबो आस'खान्दा जाना दं होनना दुखुजों फोरमाय हरो।

बुरजा बिबांनि रां आर्जिनायनि उनाव मा खालामगोन होन्ना सोंथिनि फिननायाव बुङो दि आंनि आदा सासेया MBA Degree उथ्रिनानैबो गारि सालायनाय खामानि मावलांगासिनो दं , आं बिखौनो मदद खालामगोन होन्ना फोरमायहरो।

Also Read: दानबान्थाखौ दाबि खालामदों बेतन गोयै फोरोंगिरि गौथुमा

Also Watch: Assam Boxer Jamuna Boro gives a flying start at Women’s World Boxing Championships in Russia