Begin typing your search above and press return to search.

गेदेमा रोजाबगिरि लता मंगेशकारनि भाइरेल सन्देरनायखौ फाहामखांना दिनै नख'राव लांगोन

गेदेमा रोजाबगिरि लता मंगेशकारनि भाइरेल सन्देरनायखौ फाहामखांना दिनै नखराव लांगोन

Sentinel Digital DeskBy : Sentinel Digital Desk

  |  12 Nov 2019 2:16 PM GMT

हादोरनि देरसिन मेथाइ रोजाबगिरि भारतरत्न लता मंगेशकारखौ सोलेरनि हां लानायाव एसे खस्थ मोन्नायखौ मोनथिनानै 11नबेम्बरनि फुंआव मुम्बाइनि ब्रिस केण्डि देहा फाहामसालियाव थिसन्नाय जायो। बिथांखौ गागि सावस्रि बिफाननि बोसोनगिरि (Senior Medical Adviser) ड° फारुक इ उदवादीनि सुबुरुन होलांनायाव देहा फाहामथाइ (Treatment) सोलिगासिनो दं। बिथां गेदेमा मेथाइ रोजाबगिरिखौ हराव थोंजोङै लाबोनानै आइ सि इउ खथायाव थिसन्नाय जायो आरो दायो बिनि हालोदा थिगानो दं होन्ना खौरां बिजोंजों फोरमायदों। मख'जाथावदि बैसोगोरासिन मेथाइ रोजाबगिरि भारतरत्न लता मंगेशकारा 28 सेप्टेमबराव 90 बोसोर बैसोयाव आगान होयो।

गेदेमा मेथाइ रोजाबगिरि भारतरत्न लता मंगेशकारनि दुइसिन बिनानाव उसा मंगेशकार बिथाङा देहायारि लोरबांथि सायाव बुङो दि भाइरेल सन्देरनायनि बेरामाव गोलैदों आरो मंगलबाराव नख'राव लाबोनाय जागोन होन्ना मिथिहोयो। दासिमावबो बिथाङा देहा फाहामसालियाव फाहामथाइ सोलिगासिनो दं होन्ना मोनथिनो मोननाय जादों।

बिथां गेदेमा मेथाइ रोजाबगिरि देहा सावस्रि गाहाम हामलायथि बावहरनानै अनसाइगिरि आरो गुबुन सासे मेडिया ष्ट्रेटेजिष्ट अनुषा स्रिनिभासन आयार बुङो दि बिथांआ भाइरेल सन्देरनायनि बेरामाव भुगिदोंमोन। देहा सावस्रि हालोदखौ नोजोर लाखिनानै गुबुन बेरामा जाहाथे लोरबां नाख्रेबनाय देहायाव गाग्लोबनो हाया बेनि थाखाय एन्टिबायटिक नायबिजिरनाय जादों। बिथांनि देहा सावस्रिया थाबनो गाहाम जाथों हामब्लाइथिनानै इसोरनि खाथियाव आर'ज गाबहरो।

हादोर जों गुबुन हादोरावबो गुबुन गुबुन खना खनलायाव मिलौदो देंखोनि गेजेरजों गासैबो थाखोनि सुबुं अनसाइगिरि राज्यो-राजानि गोसोखौ गाहाम अन्नाय आरो सिबिनाय आवग्रिनानै स्नि जौथाइनिबो बारा सम हिन्दी जों गुबुन गुबुन हारिनि मेथाइ बिहोमा होलांदों।

दादा साहेब बान्था आवथेनाय मेथाइ रोजाबगिरि भारतरत्न लता मंगेशकारनि देंखोयाव 30 मार्चाव भारतारि फाइखि थुलुंगाखांनाय मेथाइ सुगन्ध मुसे इस मिट्टी की आव बिहोमा होलांदोंमोन। लोगोसे 75 बोसोर बैसोआव बिथां गेदेमा मेथाइ रोजाबगिरिया 2004 माइथायाव "भिर जारा " एलबाम बिहोमा होलांदोंमोन।

Also Read: चिरां पुलिस, रौनिया हान्जानि जेयाव साथाम एन डि एफ बि नि साथाम सोद्रोमा

Also Watch: Public staged massive rally against NGO Ghanshyam Seva Samiti in Tinsukia

Next Story