गोलाव ब्रै बोसोर सम एखे जायगायावनो नेबाय थानानै उनाव गावनि आंगो बिगोमाखौ "लिअ" आ नागिरना लोगो मोनहैबाय। जेब्ला जोंनि गोसो गोर्बोआ माबाफोर मोनहैनो लुबैयो अब्ला जों जाफुंसार जायो बे खोथाया थारैनो रिफि खांबाय थाइलेण्डाव।
लिअ नि मिजिं दं बिनि बिगोमाया सानसे खालि फैगोन आरो आंखौ लोगोयाव लांफागोन। खौरां बिजोंनि गेजेरजों फोरमाय जानाय सुलुंनि बादिब्ला थाइलेण्डनि खव्न क्वेन मुंनि जिलायाव ब्रै बोसोरनि फ्राय नेनानै थानायखौ जायगानि सुबुंखौ नुदोंमोन। बेरा फारसेथिं सैमानि मुंआ "लिअ " लाखिनाय जादों होन्ना खौरां बिजोंङाव फोसाव जादों। लिअ नि मोनसेल' हास्थाय दं, सानसेखालि बिगोमाया फैगोन , आंखौ लांफा हरगोन।
जायगानि सुबुंफोरा सान्दोंमोन नैबे मासे अर'नारि सैमा, नाथाय दरसे थावनियावनो गोबां समनिफ्राइ नेबाय थानायाव सोमोनांथाव जादोंमोन। बेखायनो सासे सांग्रां सुबुंआ बिनि सुलाद मोननायनि असिलायै समाजारि बिजों (Social Media) फोसाव होदोंमोन। बेनि उनाव सासे अनसुलि गोसोनि आइजोआ सैमा लिअ खौ लांहरो आरो गावनो आदार जाहैयो। नाथाय लिअ आ सानफा साननै थानानैनो फिन आगोलनि जायगायावनो फैफिनो ।
गुबुन फारसेथिं लिअ' आ सान हर समान खालामना एखे जायगायावनो ब्रै बोसोर सम थानांनाय फट'आ समाजारि बिजोंङाव थाबथाबैनो गुवारै गोसार (Viral) जादोंमोन।बेनि उनाव सासे सिख्लाया गावनि 64 बोसोर बैसोनि बिमा नें नेइखौ मबाइलनि गेजेरजों दिन्थिहैयो लोगोसे बिमाया दुखु मोननाय फोरमायो। ब्रै बोसोरनिफ्राय गावनि असे बिगोमाखौ नेबाय थानाय लिअ'आ थाग्रा जायगायाव सोहैयो।
मख'जाथावदि इं 2015 मायथायनि 16 फेब्रुवारियाव बिमा नें नइया गावनि फिसाजोखौ खौरां लाहैनो थाङो। रेल लाइनाव गारिखौ थाबथानाय सैमा लिअ आ बाहिराव ओंखारलांङो। उनावहाय नागिर नागिरैबो नुनो मोनासै। जोबथा याव गोलाव ब्रै बोसोर सम नेबाय थानानै गावनि बिगोमाखौ नुनो मोनो। दासिमाव बे जाथायानो साफ्रोमबोनि गोसो गोर्बोखौ सौदावहैदों।
Also Read: कक्राझाराव गागि नोगोरारिनि अनसायनाय थाखाय सांग्रांथि हाबाफारि खुंफुंजादों
Also Watch: Man allegedly commits suicide by jumping from a running train | The Sentinel News | Assam News