माजुलिनि र'-र' बेसेनगोसा जाहाजआ दा ओरैनो गोग्लैसोना दं

गुवाहाटिः हादोरसाया र'-र' बेसेनगोसा जाहाज खौ माजुलिनि कामलाबारि आरो जरहाटनि नेमाथिखात दैसायाव मानसिफोरनि थांलाय फैलाय हान्थिनयानि थाखाय थांनाय 2018 माइथायनि 11 अक्टबर दानावनो हगारना होदोंमोन, नाथाय दा बे जाहाजखौ दानबा सो सिगांनिफ्रायनो बाहायालासि ओरैनो गोग्लैसोना थानायखौ मोन्थिहोदों।

बे जाहाजखौ मानि थाखाय बाहायाखै रावबो फोरमायनो हाया होनना मोन्थिनो मोननाय जादों।सोरबा बुङो टेकनिकेलनि जेंना आरो सोरबा सोरबा लामाया थोंजों नंआ होनना मुंसोयो। दा माखासे सुबुंफोरनि बुंनायनि फोरमायनाय बादिब्ला जायनि थाखाय दैसानि दैआ गोथौ नंयैखाय आरो मोननै घातनि थाखाय जाहाजखौ मोजांयै सालायनो गोब्राब जायो होनना फोरमायो अदेबानि गोबां उजन लाना सामलायनाया गोब्राब। जायखियानो जायामानो बेयाव गेदेर रां खाहा जानायखौ नुनो मोननाय जादों। बे जाहाजफोरनि थाखाय 10 कौटि रां खरसा जादों।बेफोर जाहाजफोरा ओरैनो गोग्लैसोना थादों मानोना बेफोरो टेकनिकेलनि जेंना जानानै दं, गाज्रि जानाय जाहाजखौ बोरैहाय दानबा दानद फोरनि उनाव सालायनानै खामानि मावनो हानो ? बैफोर समफोराव गाज्रि जाना थानायफोरखौ मानो थांनाय दानफोराव फोसाबाखैसै? हादोरसा हान्था मेला बिफाना फोसाबनो हायामोन नामा, मोनसे गोदान दाथाय बिफाननो कम्पनिनिया फाननाय समाव फोसाबथायनि थाखाय गोरोबथा होआखैमोन नामा? जुदि बेफोर बेसेन गोसा जाहाजफोरा मानिबाफोर आंखालाव ओरैनो गोग्लैसोना थादोंब्ला एबा सालायनो हायाखैब्ला बेफोरनि सायाव मानो खामानि मावाखै?

इन्डलेन्ड वाटार अथरिति अफ इन्डिआ (IWAI) फोरमायो बे जाहाजफोरखौ हादोरसा सोरखारनि गेजेरजोंसो लाबोजादों। जाहाजाव 100 हान्थिग्रा सुबुंफोरजोन लोगोसे, 25 गं फिसा मथर गारि, आरो गं 8 ट्राक गारिफोर रोगानायनिल' बजाय दिखांनो हानायनि गोहो दं।

थांनाय बोसोरनिफ्राय सालायजेननायाव आसामनि गाहाय मन्त्रि सरबा नन्द सनुवाल बिथांआ थांदोंमोन आरो फोरमायथि बादियै " बेयो मोनसे माजुलिसिम हान्थिनो हानायनि गोगगाथाव राहा, जायनि थाखाय सरा सनस्रा सुबुफोर आरो फालांगियारिफोरनि थाखाय जोबोद मोजां जागोन आरो दिपफोराव खामनि मावनायफोराव मुलाम्फा गोनां जागोन" होनना फोरमायदों। दा माजुलि आरो जरहाटनि गेजेराव सुबुंफोनांजाब लाज्लायनाया उनफिनना थानो गोनां जादों। बेफोर बन्दरफोराव इन्डलेन्ड वाटार ट्रेन्सपर्त जाहाज, फिसा हादोरारि दिंआ, आरो बानायनाय गंसे सुबुं रोगाग्रा नाव गाथोन आरो मुवा बेसादफोर नुनो मोनो। दिपफोरनि गेजेरजों थांला फैलाय खालामग्रा जाहजफोरनि थाखाय बे बिफानजों लोबबा थानाया फाहामथायनि थाखाय एबा सोलिहोनायनि खोथाखौ सानाखै, मानो मावाखै ? माजुलि दिपनि सुबुंफोरनि गेजेराव बेखौ लाना दावाराव दावसि आरो रागा जोंनाय थासारिया सोमजिदों।

Also Read: हान्जाफोरा गुबै थाथि सुबुंफोरनि सायाव रोखाथि फोरमान नागिरदों

Also Watch: CITU staged protest rally against State Education Minister Siddhartha Bhattacharya