Demow : सिबसागर जिलानि डिमु दालाइ दुलाराय टाइ आहम फरायसा आफाद (ATASU) आरो टाइ आहम युब मन्सनि दैदेनगिरि मावथि (Workers) फोरा रबिबार खालि दान्थे बिदान्थे गोनां नोगोरारि सोदांनाय बिल (Citizenship Amendment Bill) 2016 नि हेंथायै डिमु ष्टेनाव गोख्रों सोमावसारनाय दिन्थिफुंङो।
बै जांख्रिखांनाय हाबाफारिनि गेजेरजों हादोरनि गाहाइ मन्थ्रि (Prme Minister) नरेन्द्र मडि, न'खर बिफाननि मन्थ्रि (Union Home Minister) अमित चाह, गिबि मन्थ्रि (State Chief Minister) सर्बानन्द सन'वाल आरो (State Finance Minister) ड° हिमन्त बिश्व शर्मा बिथां रबिबार खालि मोनायाव साब्रै गोजौ थाखोनि दैदेनगिरिनि मुसुखा सावनानै (Burn Effigies) भारतीय जनता पार्ति सुंद'यै बि जे पि नि सोरखारनि हेंथायै गोख्रों रावजों सोंखारियो।
गुबुन फारसेथिं जाय दुलाराय आसाम फरायसा आफाद (All Assam Students Union) जों लोगोसे गुबुन 30 थागिबि फरायसा आफादनि दैदेनगिरि मावथिमोननि नाजानायाव नोगोरारि सोदांनाय बिल (Citizenship Amendment Bill) नि हेंथायै बन्जार सावनानै गोलाव हान्जाया (Torchlight Rally) डिमु गेलेग्रा फोथाराव सुरो।
मख'जाथावदि बै बि जे पि सोरखारनि हेंथायै खुद्रिसारनाय हाबाफारियाव गुबुन गुबुन फरायसा आफादनि दैदेनगिरि मावथिमोनजों लोगोसे ओनसोलारि नोगोरारि, गुनगोनां सुबुं, बेफार फालांगिरिफोरा बन्जार सावनाय हाबाफारियाव नुजाथिफैयो।
Numligarh : थिग बिदिनो आसामनि दाब दाब जायगायाव नोगोरारि सोदांनाय बिल (CAB) नि हेंथायै खुद्रिसारनाय बादि गलाधाट जिलानि सिङाव थानाय नुमलिगड़ाव ए जे याइ सि पि आ (AJYCP Unit ) दोलो आफादनि बान्जायनायाव जायगायारि राज्यो-राजानि (Local Public) मददाव दिन्थिनाय जादों।
गलाधाट जिलानि रङाजान दालाइ असम जातीयताबादि युव सात्र परिषदनि मावथिफोरा सनिबार खालि फुंआव (Saturday Morning) केबनि कपिखौ सावनानै खुद्रिसारो। मख'जाथावदि ए जे याइ सि पि नि जौसेनिबो बारा सोद्रोमाफोरा ज' जानानै गोसोम फिरफिला (Black Flag) बिरहोनानै मिरु सोरखारनि हेंथायै हाय हाय , मुर्दाबाद स्ल'गानजों अख्रां गोमखांहोयो।
बेराफारसे थिं जाय मरांङि दालाइ सात्र मुक्ति संग्राम समिति आरो दुलाराय टाइ आहम फरायसा आफाद (ATASU) नि दैदेनगिरि,मावथि सोद्रोमामोना दैगुरुं ओनसोलाव 39 नं माहारियारि राजालामा (National Highway) होबथानानै सनिबारनि मोनायाव बन्जार हान्जा सुरनानै सोरखार बेरेखा स्ल'गानजों सोमावसारारिफोरा अख्रांखौ गोमखांहोयो।
Also Read :आसामनि दोलो आफादनि सोमावसारनायखौ नेवसिनानै ल’क सभायाव केब दिखांजाबाय
Also Watch: Assam is heating up, Lakhs of People take to street to protest against CAB on Saturday, Watch Here