उदालगुरिआव नाबार्दनि ट्राइबेल खौसेथि जौगानाय हाबाफारिआ गायसनजाबाय

Mangaldai: भारत सोरखार, प्राइम मिनिस्थार नरेन्द्र मदि जों दैदेनजानाय बादि आबादारिफोरनि थाखाय गोबां स्किम आरो मुलामफाफोरनि थाखाय आरो आबादारिफोरनो गोनांथि थानाय स्किमफोरखौ मावफुंनो आखायाव लादों। बेंकफोराव माखासे मावथायखौ सोलायना होदों, हादोरनि मानसिफरनि थाखाय बेयो जोबोद साबजाथाव जायनि थाखाय सासे सुबुंआ बेंकाव थांनानै दरखौ सौनो गोनां जायोमोन। दा नाथाय रावबो सासेया बेंकाव थांनानै द सौहैनांगौ गोनांथि गैला बेनि सोलाय बेंकफोरा गामिफोराव थांनानै आबादारिनि नफोरनि दरखं मोखांआव थांनांगौनि थि खालामदों " होनना मंगलदयनि एम.एल.ए गुरु ज्यटि दास आ उदालगुरि जिल्लानि मोदैबरि गामिआव नाबार्द नि सपनचार्द होनायाव ट्राइबेल जौगाथाय फान्द नि सिंआव ट्राइबेल खौसेथि जौगानाय हाबाफारिआ गायसनाय हाबाफारिआव बुंङो।

नाबार्द स्पनचार्ड मावबिथांखिआ 1992 माइथायाव गायसनजानाय सा सान्जा मिरुनि सोरगिदिं जौगाथाय नि गेजेरजों खामानिफोरखौ मावनो आखायाव दैखांबाय। बे माव बिथांखिनि सिंआव गासै 200 बेनेफिचारिसफोरा बर' माहारिनिफ्राय थिसनजादों। गंब्रै बर' गामि जेरै चेनिआलिपारा, से नं माजगाव, काचारिपारा, आरो चिलाबन्दा फोराव मदुमफुल आबादनि थाखाय जोलै राननाय जागोन,गय बिफां फुलि, आपेल बेरि आरो नारेंखलफोर होनानै आबादफोरनि थाखाय बिघा थाम हाफोर थानायफोरनो मावनो सुबिदा होदों।

बे बादि जोलै राननायजों लोगोसे आबादारिफोरनो हायजें, हालदै, मैगं थायगंफोरनि बेगरफोरखौबो होनाय जादों, अरगेनिक बानायनाय बिथिंआव सा सान्जा मिरुनि सोरगिदिं जौगाथाय आ रैखाथिनि फोरोंथाय, सामलायनाय, थि खालामनाय आरो हाथाय बाजाराव बायनाय फाननायनि बेलायाव सामलायगोन।

बे हाबाफारिनि सावरायमेलाव आसाम ओनसोलारि नाबार्द सामलायगिरि गाहाय नेहाथारि सिभा संकर साहा बिथांआ बुङो जायनि थाखाय आसामनि गामियारिफोरनि दोरोंआरि आसार खान्थि आरो बेनिफिसारिसफोरनिसिम आरज गाबो जे हादोरसानि हासार गोनां हाखौ खामानिआव बाहायगोन, बेंकनि खान्थिखौ लानानै बिथांआ बेखौनो फोरमायो आबादारिफोरा आबाद खालामनायनि मुंआव बेंकनिफ्राय रां मदद लानो हागोन। अदेबानि बे खोथायाव बेंकननि थाखो मावखगिरिफोरा बिसोर सुबुंफोरनि सायाव नोजोर लाखिनानैसो बे खामानिखौ मावनो हागोन। बिथांनि बुथिबादि नाबार्द आसाम ओनसोलारि चि.जि.एम आ गोबां स्किम आरो माव बिथांखिफोरखौ भारत सोरखार आरो नाबार्द नि गेजेरजों होनाय जादों होनना गुवारै बेखेवना होयो।

नाबार्द नि दरं जिल्लानि जिल्ला जौगाथाय सामलायगिरि अभिजित देवरि, उदाल गुरि जिल्लानि जिल्ला दैदेन सामलायगिरि नरेस दैमारि आरो गोबां बिबानगिरिफोरा बे हाबा गायसनजेननाय फारिलायाव बाहागो लादों आरो नाबार्द नि सोमोन्दै बिनेफिसारिसफोरनि सिगांआव बेफोरनि मावनो लानाय थांखिफोरखौ फोरमायज्लायो लोगोसे सा सान्जा मिरुनि सोरगिदिं जौगाथाय नि मासिगिरि गौतमानन्द गस्वामिआ सुबुं बिजोंनि गेजेरजों हाबाफारिखौ फोरसावनायाव मदद खालामनायनि थाखाय भारगाब कुमार दास खौ साबायखर बावो।

सा सान्जा मिरुनि सोरगिदिं जौगाथाय 1992 आव गायसनजादों आरो 27 बोसोर बेफोरबादि खामानिफोरखौ मावबोगासिनो दं, 1000 गावआरि लोगो हेफाजाब हान्जा दरं आरो उदालगुरि जिल्लाफोराव दानाय जाबाय, 50 लिबारति ग्रुप फोरनि गेजेरजों आबादारि स्किमफोर मावनो होनाय जायो होनना मोन्थिनो मौननाय जादों।

Also Read: गुवाहाटि थियेटार फोरबोआ फैबाय थानाय डिसेम्बर दानाव माचखवा प्रागज्यति आइ.ए.टि आव खुंजागोन

Also Watch: Guwahati Mahanagari Unayan Samiti gheraoes Guwahati Jal Board Office