Top
Begin typing your search above and press return to search.

खेलो इण्डिया हाबाफारियाव जों हेंथा होआ, नाथाय सि ए ए नि हेंथायै सोमावसारनाया सोलिगोन : आसु

खेलो इण्डिया हाबाफारियाव जों हेंथा होआ, नाथाय सि ए ए नि हेंथायै सोमावसारनाया सोलिगोन : आसु

Sentinel Digital DeskBy : Sentinel Digital Desk

  |  9 Jan 2020 6:11 AM GMT

GUWAHATI : गुवाहाटी नोगोरमायाव जोबोद गाजा गोमजा हाबाफारिजों सोलिनो गोनां खेलो इण्डिया हाबाफारियाव जों मोनबो रोखोमनि हेंथा होआ होन्ना दुलाराय आसाम फरायसा आफाद (All Assam Students Union) नि दैदेनगिरि मोना बान्जाय आफाद (Concerned Authority) नि बिबानगोरामोनखौ फोरमायदों। खेलो इन्डिया हाबाफारिया गासै जिथाम सान सोलिगोन।

दि सेन्टिनेल खौरांलाइजों जानाय मुगा मुगि बुब्लियाव दुलाराय आसाम फरायसा आफादनि आफादगिरि (AASU President) दिपांक कुमार नाथ बिथाङा बुङो दि जों जोंनि गोदान नोगोरारि सोदांफिन्नाय आइननि हेंथायै सोमावसारनाया नागारनाय गैयि जासे सोलिबाय थागोन। जों माब्लाबाबो जोंनि सि ए ए बेरेखा थिरांथायाव दलद थाफागोन। लोगोसे जोंनि फरायसा आफादनि मावथिफोरा गावबा-गावनि फरायनायखौ समानै आवगायलांगोन।

आसुनि दैदेनगिरि (AASU Leader) दिपांक कुमार नाथ बिथाङा दाजाबदेरनानै आरोबाव बुंबावो दि खेला खुंफुंनाया मोजां खौरां। जायनि गेजेरजों जाखांफुनाय लाइमोन समाजा गावखौ गायसननो खाबु, गेलेनायनि सुबिदा मोनगोन , गेलेनायनि सोलो आदबनि गेजेरजों गावखौ सिनायथि होनो हागोन होन्ना बुंथियो। नाथाय जों हादोरनि गाहाइ मन्थ्रि (Prime Minister) नरेन्द्र मडिनि आसामाव दावबायफैनायखौ हेंथा होदों। नरेन्द्र मडिया खेलो इण्डियानि बेखेवनाय हाबाफारियाव नुजाफैयोब्ला बिथांनि सिगाङाव गोख्रों सोमावसारनाय हाबाफारि लानायनि लादोंमोन होन्ना फोरमायो।

1951 माइथायनिफ्राय 1971 माइथायसिम आसाम हादोरसाया आयेन बेरेखायै हाबसनफैग्रा गुबुनारिनि जेंना जेंगोना (Burden of I'llegal Foreigners) याव भुगिबाय। आरोबाव आसाम राज्योआ जेंना एबा बजाखौ सहायनो हानाय नङा। मानोना आसाम हादोरसाया रावनिबो गावारि सम्फथि नङा जायनि जेरै गोसो एरैनो मावफुंगोन। जों 1971 माइथायनि 25 मार्सनि उनाव हाबफैनाय हिन्दु मुस्लिमखौ बेरेखा खालामो। नोगोरारि सोदांफिन्नाय आइन (CAA) खौ बेरेखा खालामनानै दुलाराय आसाम फरायसा आफादनि बान्जायनायाव गोजोन, आइन आब्रुथि गोनां सोमावसारनाय हाबाफारिया सोलिबाय थागोन। लोगोसे जौसिन बिजिरसालि (SC) याव आयेनारि लामाजों जुजिलांनाया समानै सोलिबाय थागोन।

बेराफारसे थिं जाय दुलाराय आसाम फरायसा आफादनि गाहाइ नेहाथारि लुरिन ज्योति गगै बिथाङा गावनि बिबुंथियाव बुंथियो दि दिनै राज्योनि दाब दाब जायगायाव दोरोङारि दामजु दबा, नागारा, खल ,बर्ताल लानानै गोख्रों सोमावसारनाय हाबाफारि दिन्थिफुंनाय जागोन। लोगोसे मोन 30 फरायसा आफादनि दैदेनगिरि मोना मेथाय़ रोजाबगिरि समाजनि बान्जायनायाव हाबाफारियाव बाहागो लाफैगोन होन्ना मिथिनो मोननाय जादों।

Also Read: नोगोरारि आइन बेरेखा सोमावसारनायखौ नोजोरना आसामाव नरेन्द्र मडिनि दावबायनाया केन्सेल

Also Watch: Anti-CAA protests: Tinsukia District Congress demands release of party workers

Next Story