केबनि हेंथायै बन्द' फोसावनायाव आसामाव मैखोम गोहोम खोलैदों

केबनि हेंथायै बन्द' फोसावनायाव आसामाव मैखोम गोहोम खोलैदों

दिगबै : खर'सा आसामनि दिगबैयाव बायदि बायदि फरायसा आफादनि दैदेनगिरि मावथि (Workers) फोरा समबार खालि सानजौफुआव दान्थे बिदान्थे गोनां नोगोरारि सोदांनाय बिल (Citizenship Amendment Bill) 2016 नि हेंथायै दिगबैनि राजालामा होबथानानै गोख्रों सोमावसारनाय दिन्थिफुंङो।

बै जांख्रिखांनाय हाबाफारिनि गेजेरजों हादोरनि गाहाइ मन्थ्रि (Prme Minister) नरेन्द्र मडि, न'खर बिफाननि मन्थ्रि (Union Home Minister) अमित चाह, गिबि मन्थ्रि (State Chief Minister) सर्बानन्द सन'वाल आरो (State Finance Minister) ड° हिमन्त बिश्व शर्मा बिथां रबिबार खालि मोनायाव साब्रै गोजौ थाखोनि दैदेनगिरिनि मुसुखा सावनानै (Burn Effigies) भारतीय जनता पार्ति सुंद'यै बि जे पि नि सोरखारनि हेंथायै गोख्रों रावजों सोंखारियो।

नोगोरारि सोदांनाय बिल (Citizenship Amendment Bill) नि हेंथायै बेरेखा सोमावसारगिरिफोरा एम एल ए सुरेन फुकननि टिंराइआव थानाय नखर मोखाङाव सिरि थानायखौ सोंखारियो। सासे अस'मिया बिमानि फिसा जानानै केब नि सायाव जेबो खुगा फोरमायनाया दुखुनांथाव होन्ना खुद्रिसारो।

मख'जाथावदि बै बि जे पि सोरखारनि हेंथायै खुद्रिसारनाय हाबाफारियाव गुबुन गुबुन फरायसा आफादनि दैदेनगिरि मावथिमोनजों लोगोसे ओनसोलारि नोगोरारि, गुनगोनां सुबुं, बेफार फालांगिरिफोरा बन्जार सावनाय हाबाफारियाव नुजाथिफैयो। गुबुन फारसेथिं जाय तिनसुकीया जिला मरान आरो मरान फरायसा आफादा 9-10 डिसेम्बरनि बन्द' फोसावनायाव मैखोमै गोहोम खोख्लैयो।

कक्राझार : राज्योनि दाब दाब जायगायाव नोगोरारि सोदांनाय बिलनि हेंथायै गोख्रों सोमावसारनाय दिन्थिफुंनाय बादि समबार खालि दुलाराय आसाम फरायसा आफाद (All Assam Students Union) नि मावथि सोद्रोमामोना आसामनि गिबि मन्थ्रि सर्बानन्द सन'वाल, रांखान्थि बिफाननि मन्थ्रि ड° हिमन्त बिश्व शर्मा, केशब महन्त,फुनि भुषन चौधुरि आरो असम गण परिषद दोलोनि आफादगिरि अटुल बरानि मुसुखाखौ दिन्दां खालामनानै नोगोरारि सोदांनाय बिल (Citizenship Amendment Bill) नि हेंथायै गोख्रों सोमावसारनाय हाबाफारि दिन्थिफुंङो।

खौरांंगिरिजों जानाय मुगा मुगि बुब्लियाव कक्राझार जिला फरायसा आफादनि दैदेनगिरि नबज्योति राय बिथाङा बुङो दि भारतीय जनता पार्ति दैदेननाय सोरखारा जाबसिन्ना होनो नागिरनाय बिलखौ माब्लाबाबो मानिनानै लानो हाया। मानोना बेयो जाबोर एबा दाखोर दाला गारहोग्रा जायगा नङा, जायहा जेराव गोसो जायो बेवहायनो आयेन बेरेखायै हाबसनफैग्रा गुबुनारिखौ थाहैनो जायगा होगोन होन्ना फोरमायो। बिदेशी जेब्लाबो बिदेशी महरैनो थागोन। बेयावहाय दोहोरोमनि बेलायाव बिदेशी नोगोरारिफोरखौ गनायथि होयोब्ला संबिजिद बेरेखा जागोन।

Related Stories

No stories found.
logo
Sentinal Assam
bodo.sentinelassam.com