उदालगुरि जिलानि गंसे गामियारि लामानि खामानि मावलांनायाव रां जाख्लनायनि गोख्रों अ'जद सिखारदों। टंला महलियापारा फोनांजाब लामा चरनपारा निफ्राय देलानधाट लामासिम लामा फाहामथायाव बाङाइ बिबांनि खामानि मावलांनायनि खौरां सोरांङाव फैदों। 2019 माइथायनि 2 जुन अक्ट'आव दरंनि सिपाझार आरो कलाइगाव बिधान सभा बियाबनि एम एल ए (Legislator) बिनन्द कुमार सइकीया आरो महेश्वर बर' बिथांमोना अन्थाइ खाम्फा (Foundation Stone ) गायसन लांदोंमोन।
बै गाज्रि हालोदाव गोगलैनाय लामाया 10 बोसोर निबो बारा सम सोरखारनि लामा फाहामथाइ बिफाननि जानगाराव थानांदोंमोन। दरं आरो अदालगुरि जिल्लायाव थाफानाय लामाया जोबोद दुखु खस्थ'यै हान्थिलांनो गोनां जादोंमोन। मख'जाथावदि लामा फाहामनायनि बिबानाव थानाय फसंथाना जोबोद बाङाइ बिबांनि मुवा बेसाद बाहायनायनि जाउनाव गाज्रि हालोद होन्ना राज्यो राजाया खुद्रिसारो। दायो थिखादाराबो अ'जद दैखांनाय आयदानि जानगाराव थानानै मोनबो गोनांथि होआखै। बिफानारि मावबिबान गोरा गाज्रि हालोदजों गेग्रेबनाय लामाखौ थाबैनो फाहामनायनि राहा एबा आगान लायाब्ला जों बिफाननि हेंथायै गोख्रों सुबुंदारारि खुद्रिसार हाबाफारि आजावनायनि हुमखि होयो।
खौरां गिरिया जाथाइथिलि नायगिदिंनानै बुंदों दि 18 अक्ट'बरनि हराव महलियापारानि लामायाव टपिं कार्पेट नि खामानिया सोलिदोंमोन। टिब्रा राभा मुंनि सासे जायगायारि सुबुंआ फोरमाय हरनाय बादिब्ला आसाम सोरखार आरो बि टि सि नि बिफाना उदांयै रां जाख्ल'नायनि लामाखौ गनायथि होदों होन्ना दुसिदों।
बेरा फारसेथिं गुबुन सासे सुबुंआ खुद्रिसारनानै बुंथियो दि जों जि बोसोरनि बारा सम गाज्रि लामाखौ राज्यो राजा हान्थिनायाव सुबिदा जानायनि थाखाय सोरखारखौ गुरै आर'ज गाबहरदोंमोन। नाथाय बे आखुजों सोरखारा सोलायथाइनि महर बोजबना लानांगौ बा बै बादि सोलायथाइ जोंखौ नांथारा होन्ना बुंहरो।
आरोबाव गुबुन सासे सांग्रां गामियारि स्राभन प्रसाद शर्मा बिथाङा हादोरसा सोरखार (State Government) आरो लामा फाहायथाइ बिफान (Public Works Department) खौ गोखै रावजों सोंखारियो। मोनसे सुलुंङाव फोरमाय जानाय खौरांनि बादिब्ला बै लामानि फाहामनायनि थाखाय से कौटि (1 Crore) रां सेंन्सन जादोंमोन होन्ना मिथिनो मोननाय जादों।
