गुवाहाटी : आसाम गोजौ फरायसालि जोबथा आनजाद बर्ड सुंद'यै सेबाया फैगो इं 2020 माइथायनि फ्राय मोनसे गोदान आयदा कमार्च (Commerce) सोदेरफानो साखा फारा जादों। फरायसाफोरनि गुनगोनां मोजां आबहावाखौ सोरजिनो थाखाय बे आयदानि गोनांथि सेबानि सिंङाव थानाय फरा-फारिआव कमार्च इलेक्टिभ आयदा महरै दाजाब जागोन। इं 2020 माइथायनि थाखो गु आरो 2021 नि थाखो जिनि थाखाय बेखेवनाय जादों।
सावरायनाय जथुम्माव 'An Introduction to Commerce the State', मुंनि हाबाफारि बेखेव जेननायनि आसामनि सोरखारनि गागि सोलोंथाइ बिफाननि मन्थ्रि सिद्वार्ध भट्टाचार्यआ नुजाथिनानै बुंथियो बे आयदाखौ इलेक्टिभ साबजेक्ट महरै दाजाबदेरना इयुन जोलैनि फरायसा फरायसुलिनि बिथाखौ गोख्रों खालामनाय थांखियै आजावनायनि थिरांथा लानाय जादों। जाहाथे बिसोरनि गोजौ सोलोंथाइ लानायनि सायाव मदद जायो।
जोंनि फरायसाफोरा फरायसालिमा थाखोआवसो बेफार फालांगि (Commerce) आयदाखौ फरायनायनि सुबिदा मोनहैयो ओंखायनो दायो आसाम सोरखारनि सोलोंथाइ बिफाननि सांग्रांथियाव फरायसाफोरनि मदद खालामो। जाहाथे कलेजाव फरायनायाव जेंनानि मुगा मुगि जानांनो नाङा।
आरोबाव बिफानारि मन्थ्रि भट्टाचार्यि बिथांआ बुंथियो सोलोंथाइ बिफाना गोदान मोनथाम आयदा फारियै बेंकिं, एकाउनटेनसि आरो इन्सुरेन्स गायसंनो थिरांथा लानाय जादों।बेनि थाखाय सोरखारि फोरोंगिरिफोरखौ सान बानि फोरोंथाइ होनाय जासिगोन होन्ना बुंहरो।
Also Read: कच राजबंची माहारिनि सुबुंफोरखौ हादोरनां नोगोरारि फारिलायाव सोफालांनो गोख्रों दाबि दैखादों
Also Watch: Dr Bhupen Hazarika Statue installed in Duliajan e | The Sentinel News | Assam News