ग'वालपारा, 3 सेप्टेमबर: गारि सालायगिरि आरो सादारन रायजो राजाखौ सांग्रांथि लाबोनाय आरो लामा जाब्रबथाय खमायनाय थांखिजों सोलिफु दाननि 1 सेप्टेमबर निफ्राय हादोरनि खना खनला जों लोगोसे आफां आसामनि ग'वालपारा जिलानि दाब दाब जायगायाव गोदानै आजावजानाय गारि मथर आयेन (सोदांनाय) 2019 खौ जाफुंसार होनायनि थांखि लाना मथर साइकेल रेलि खालामो जिला ट्रेफिक पुलिसआ । जिलानि ट्रेफिक पुलिसा सरासनस्रा सुबुंखौ सांग्रांथि खालामनो माइक बो बाहायदों। बे आयेन खौ साबसिनै जाफुंसार होनो गुवारै गोसारजानाय खौरां एबा फोनांजाब बिजों जेरै खौरां बिलाइ, मोब्लिब बिजों आरो समाजारि बिजों बाहायदोंमोन।
पुलिसनि लेङाइ बिबान गिरि गाहाइ मावख' नि रुपज्यति कलिताया गावनो सांग्रांथि मथर साइकेल हान्जा सुरनाय हाबाफारियाव बाहागो लानानै बुङो दि बे आयेननि सोमोन्दै बयखौबो गुवारै मिथिहोनाय आरो सांग्रांथियारि थासारि सोमजिहोनाय।
बेनि अनगायैबो पुलिसनि हान्जाया ए एस टि सि कालाबाजार निउ मार्केट आव सरासनस्रा सुबुंजों आयेन नि बागै रायज्लायनाय बुब्लियाव बुंथियो दि जों सुबुं माहारिनि मदद नागिरदों आरो राज्योआरि जायगायाव रायजो राजानि हेफाजाब लुबैदों आरो सोलोंथाइ फसंथान गवालपारा फरायसालिमानि फरायसाफोरजोंबो सावरायलायो ।
Also Read: इउ बि पि अ’ नि फैगो बोसोरनि द’थि जथुम्माया सोनितपुरनि राङापारायाव
Also Watch: Man Arrested for allegedly selling fire arms in Nagaon | The Sentinel News | Assam News