साहा बागाननि डाक्टारआ साख्रि नागारबाय

गुवाहाटी,3 सेप्टेमबर: खर'सा आसामनि जरहाट जिलानि तियक साहा बागानाव थिसनजानाय देहा फाहामगिरि ड° देबेन दत्त खास्रि बिस्रियै बुथारनायनि उनाव साहा बागानाव नांथाबना थानाय देहा फाहामगिरिया गावनि मावख' नागारना साख्रि एरख'बाय। गोदानै थिसनथाइ मोननाय लाइमोन डाक्टार फोराबो जइन जानो राजि जाथ'वाखै। बेबादि आजिरा लानाय फाहामगिरि ड° देबेन ब्रह्म खौ हान्जा गाग्लोबनाय जाथाया दुलाराय देहा फाहामगिरिखौ समाजखौ गिखांहोदों होनना बुंदों भारतारि मेडिकेल एस'सियेसन (आइ एम ए) आसाम दालाइनि बिबानगिरिया।

गुबुन फारसेथिं, खर'सा आसामनि जरहाट जिल्लानि सिङाव थानाय साहा बागानाव थिसन जानाय साबा देहा फाहामगिरिया दासिम हालागै गावनि बिबान नागारबाय।

राज्यो सोरखारा साहा बागानफोराव थिसन जानाय देहा फाहामगिरिखौ नांगौ रोखोमनि रैखाथि होनायाव फेलें जादों

अना खानायै देहा फाहामगिरिनो गाग्लोबनाय जाथायनि सायाव हादोरसायारि देहा सावस्रि बिफाननिफ्राय मोबथिनाय फुंखानि बादिब्ला रायजो सोरखारनिफ्राय गोबां देहा फाहामगिरियानो थोजासे दानबान्था होयोब्लाबो थिसन जानो गियो । खायफा डाक्टारा बेबादि जाथायखौ गिखांना गावनि मावख'वावबो एखोमबा एबसेन्ट थायो होनना सुबुंनिफ्राइ मिथिनो मोननाय जादों।आसामाव दा बावैसो सान सिगां देहा फाहामगिरि ड° देबेन दत्त खौ गाग्लोबनाय जाथाया थामथि होनना बुंबावो। बेयो मोनसे गोनांथार सम सांग्रां जानानै देहा फाहामगिरिखौ गाग्लोबनायनि सायाव आगान होनायनि। भारतारि मेडिकेल एस'सियेसन नि थान्दै हान्जाया दाबि खालामो दि देहा फाहामसालिफोराव डाक्टार गाग्लोबनाय आरो मेडिकेल नि दौलदफोरखौ गाज्रि खालामनायनि हेंथायै गोख्रों आयेन 2011 आजावनो मावफुं लांनो खावलायो। जाय बेबादि गाज्रि खामानियाव थुलुंगा होयो आरो सिलिंखार खालामो अब्ला बै दायनिगिरि हमजानाय सुबुंखौ जामिन गैयै साजा होनो खावलायो।

भारतारि मेडिकेल एस'सियेसन(आइ टि ए) आरो गायनाय फुनाय गौथुमा जयैनो खौरां मेल खुंफुंनायनि गेजेरजों बुङो दि बावैसोनि गाग्लोबलु जाथायखौ थारैनो देहा फाहामगिरिमोना सांग्रां लाबोनांगोन आरो सोरखारखौ गोख्रों खामानि मावलांनो आरज गाबो। लोगोसे मिरु सोरखारनि देहा सावस्रि बिफानखौबो नोजोर होनो खावलायो।

दुलाराय आसाम फरायसा आफादा डाक्टार गाग्लोबनाय जाथायखौ फार्सट्रेक कर्टसिम लांनो गोख्रों दाबि दैखाङो।

Also Read: ए ए बि वाय एस एफा हाजेलानो रिफुजीनि फोरमानलाइनि थाखाय दाय हमदों

Also Watch: Assam Medical Service Association & IMA staged 24 hr strike in Tinsukia | The Sentinel | Assam News