सिबसागर जारिमिनारि जायगायाव थाइ आरो सिन महरगिरिफोर फैदों

सिबसागर जारिमिनारि जायगायाव थाइ आरो सिन महरगिरिफोर फैदों

सिबसागरः सम्बार खालाराव खौरां मौननाय बादिब्ला थाइलेन्डनिफ्राय थाइ सुबुं आरो सिन हादोरनि सिन सुबुंफोर गासै सा 21जोन महरगिरिफोर सिबसागर जिल्लायाव थानाय माखासे जारिमिनारि जायगाफोरनि सोमोन्दै मोन्थिनो आरो दावदिंनाय थांखि लानानै फैदों। सिबसागोर जिल्लानि जिल्ला बेंगिरि ड. एम.एस लाक्षस्मि प्रिया बिथांनि हांख्रानायाव बिसोर सफैयो आरो सफैनो हानाय हान्जाखौ जिल्लानि मोनफ्रोम मुंदांखा जारिमिनारि जायगाफोराव दैदेन हैयो। बिसोर हानजानि गेजेराव सिबसागोरखौ गोरबोजों हमदांहादों। महरगिरि बैसोर हान्जाफोरा जारिमिनारि जायगाफोर आरो दावबाय जायगाफोर जेरै सिब दौल, सिब सागोर टेंक, रं घर, टलाटल घर आरो ना फुखुरिफोर आरो बे सोमोनांथाव गोदोनि लुथायफोरखौ गोसो गोर्बोजों हमदांनो नाजायो।

दावबायफैनाय हान्जाया जरहाटनि सुखाफा साम्मानाय ख्सेट्राआव 1 नबेम्ब खालाराव जानाय खोला एसिया हारिमु जुथुमनाय आरो दन्थिफुं हाबाफारियाव बाहागो लानो थादोंमोन होनना मोन्थिनो मोनदों। दावबायफैनाय हान्जाखौ सुबुं महरगिरि जिना राजकुमारि बिथांआ सामलायो।' सिब सागोरनि गोथौयै मोन्थिनो गोनां, मोनसे मावनो लानाय मावबिथांखि बादियै जिल्लानि जिल्ला बेंगिरिया दावबायारिफोरखौ जिल्लायाव हांख्रायो। सफैनो हानाय दावबायारि हान्जाखौ जिल्ला बेंगिरिया गोसो गदुंयै बरायना लायो।

बेलासे सामाव थाइलेन्डनिफ्राय थाइ सुबुं आरो सिन हादोरनि सिन सुबुंफोर गासै सा 21जोन महरगिरिफोरखौ रुद्रा सागोरवा थानाय आसाम टौरिज्म कमप्लेक्स आव ओंखाम जाहोयो। बिसोरनि थाखाय दोरोंआरि जाग्रा आदारखौनो होनाय जादोंमोन जायखौ बिसोर जायो। थाइलेन्डनिफ्राय थाइ सुबुं आरो सिन हादोरनि सिन सुबुंफ महरगिरिफोरनो गोनां बादियै ओनसोलनि सुबुं मेथाय, मोसानायफोरखौ दिन्थिनाय जायो।

मावबिथांखि बादियै जिल्लानिनो इउ.एन.आइ.चि.एफ नि गथ'फोर आरो जौमोनफोरनि सिंआव मोनसे फरायसा दोलोआ दोरोंआरि धिहा नाम आरो जिखिर खौ रोजाबना दिन्थिफुंओ। बिसोरनि बाहागो लानायनि गेजेरजों फरायसाफोरा निसा मुवा बाहायनाय आरो इन्टारनेन्टफोरखौ ओरैनो बाहायनायनि सांग्रांथि फोरसावनाय।

थाइलेन्डनिफ्राय थाइ सुबुं आरो सिन हादोरनि सिन सुबुं महरगिरिफोरनि खावलायनायाव जिल्ला बेंगिरिया मोनसे गोसोआव नांथावना सेइन्ट त्यागाराजानि सुजुनाय कारनातिक क्लासिकेल देंखोखौ खोनासंहोयो( ख्रितिः सामाजा भारा गामाना, रागाः हिन्दलाम, तालाः आदि)। दावबायफैनाय बयबो बाहागो लानायफोरखौ गासैखौबो बाखनायो।

जिल्लानि जिल्ला बेंगिरि ड. एम.एस लाक्षस्मि प्रिया लोगो लाज्लायनाय समाव देंखो हा राव गैया, देंखोहा मानसि माहारिनि बेगेंफोरनि मोनसे बाहागो बादि जुनिया गोहो दं, बेयो थाखो, हारि, राव आरो सोरगिदिं बुहुमारि जायगायखवनो जोनोम जायो होनना बिबुंथि होयो। बिथांआ जोबनायाव दावबायफैनाय साफ्रोमखौबो ' सिब सागोरनि गोथौयै मोन्थिनो गोनां, माव बिथांखिआव मैखोमै बाहागो लाफैनायनि थाखाय आरो जाफुं होनायनि थाखाय गोसोजों साबायखर बावो आरौ इयुनफोरावबो बे बादिनो दावबायबोबाव फै होनना खावलायो।

Related Stories

No stories found.
logo
Sentinal Assam
bodo.sentinelassam.com