बाक्सा जिल्लायाव मैदेरनि गाग्लोबनायाव सानै सुबुंनि जिउ खहा

टामुलपुर, टंलाः बाक्सा जिल्लानि सिंआव थानाय टामुलपुर हालामाव मैदेरनि गाग्लोबनायाव सासे सुबुंनि जिउ खहा जानाया मोनसे दुखु नांथा जाथाय सोमजिहोदों। बे दिनफोराव बाक्सा जिल्लानि टामुलपुर दालाय बोखाव नि सिंआव थानाय गेदेर नाग्राजुलि ओनसोला मैदेरनि अनागार थासारिनि थाखाय हरफोराव मेगन मोदै खालामनो गोनां जादों । जायगायारि दखल खालामनायफोरनि थाखाय, मैदेरफोरा थोजासे आदार मोनजायैनि जाहोनाव आरो आदार नागिरनायाव, हाग्रानि मैदेर हान्जाया हाजोआरि ओनसोलफोरनिफ्राय हायेन फारसे ओंखारबोनानै भारत भुतान सिमना ओनसोसोलाव नांजाबना थानाय हायेनारा गामिफोराव हाबफैदों। मोन्थिनो मोननाय बादिब्ला मैदेर फालो बर नदि दैसा सेरफांफोराव थायो आरो मोनाबिलि जाब्ला मैदेरनि फालोआ आदारनि थाखाय गामियरिथिं आदारनि थाखाय आगान सुरो आरो सुबुंफोरा मोगा मोगि जानो गोनां जायो।

थांनाय बुधबार मोनाबिलि हराव, मोनसे गेदेर मैदेर फालोआ गानेसफुर गामिआव हाबो आरो मोन्थिनायबादिब्ला 30 बिगिनिबो बांसिन हानि माइ आबादखौ खहा खालामबाय होनना, गामियारि सुबुंफोरा मैदेर फालोखौ होहरनो थाखाय बायदि बायदि बन्जार, सोदोब खालामग्रा आयजेंफोर लानानै होहरनो हास्थायदोंमोनब्लाबो नाथाय होहरनो हायाखैमोन होनना मोन्थिनो मोननाय जादों, फुं सोरां जेननायनि उनाव मैदेर हान्जाया नाग्रा जुलि पुलिस थानानि सिंआव थानाय जयुर गामिजों हाबो आरो हाजो फारसे थांफिननायाव नरेस मन्डल (60) मुंनि सासे आबादारिनि आबाद फोथारजों थांबाय थानायाव बे समावनो हरखाबनो मैदेर फालोनि मासे मैदेरा नरेस मन्डलखौ जायगायावनो गाग्लोबदों आरो गोब्राबै जखोम मोन्दों होनना मोन्थिनो मोन्दों।

जायगायारि सुबुंफोरा नरेस मन्डलनि देहाखौ गोब्राब थासारिआव नुनो मोननानै देहा फाहामसालिआव लांनाय जादोंमोन। नाथाय लामायावनो जिउ गोमायो

होनना मोन्थिनो मोननाय जादों। नाग्रिजुलि पुलिसा गोथै देहाखौ पस्ट मर्टननि थाखाय मुसलपुराव दैथाय हरो।

बेरा फारसे बुधबार खालारावनो उदालगुरि जिल्लानि टंला हालामनि धनसिरि डिभिज्यन हाग्रामायारि मावखुलि नि सेराव थानाय कालेंदुवार रिजार्भ हाग्रायाव सासे 50 सो बैसो जानाय सिनाय मोनै सुबुंखौ आथिंजों गाग्लिजाना थैना थानाय मोन्दों। गोथै देहाखौ उनाव पस्ट मर्टननि थाखाय दैथायहरनाय जायो। जायगारिफोरनि फोरमायनाय बादिब्ला हाग्रायारि मावगिरिफोरा जेबो नायदिंनाय खामानि मावाखै जायनि थाखाय बे बादि जाथाया जानो मोन्दों होनना फोरमायथियो। हाजो ओनसोलनिफ्राय आदारनि नागिरनानै ओनखारबोनायखौ जोंनि मेगनजों नोजोर होगासिनो दं हनना हाग्रायारि मावगिरिआ फोरमायदों।

Also Read : नेस’ आ: एन .आर.चि आरो आइ.एल.पि खौ सा सान्जायारि हादोरसायव गोनांथिनि दाबि दैखांदों

Also Watch: Titabor Model Hospital Inaugurated by Minister of State for Health Pijush Hazarika