उन्नाव हान्जा जिनाहारि मुगैथाव जाथायनि बुलि जानाय हिन्जावा 40 धन्टानि उनाव जोबथा हां गारबाय

Unnao: उन्नाव हान्जा जिनाहारि (Gang Rape) मुगैथाव जाथायनि दुखुथिया हिन्जावा माखासे दुथां आखुनि गाज्रि नोजोराव गोलैदोंमोन। बिखौ सिख्लाखौ खास्रि बिस्रियै गाग्लोबनाय उनाव अर फोजोंनाय (Ablaze) जायो‌। उनाव थाबैनो बै दुखुथिया हिन्जावखौ सुक्रबारनि हराव दिल्लीनि साफ्दारजं देहा फाहामसालियाव थिसन्नाय जादोंमोनब्लाबो 40 धन्टा फाहामथाइ सोलिबाय थानाय समावनो जोबथा हां गारबोयो।

जेब्ला बै हान्जा जिनाहारिनि बुलि जानाय हिन्जावा बृहस्पतिबार खालि गावनि नख'रनिफ्राय राइ बेरेलिनि कर्टसिम रेप केसनि हियारिंनि थाखाय थांनाय लामायाव बे मुगैथावना खामानिनि सिकार जायो।

मख'जाथावदि जेब्ला बिथांनि देहायाव रेपिष्टनि दारै अर फोजोंनायाव 90 जौखोन्दो बाहागोआनो अरजों खामग्लिजादोंमोन। उनाव पुलिस हान्जाया बे जाथायनि खोथाखौ मोनथिसेयावनो जाथायथिलियाव नुजाफैनानै हिन्जावखौ बोखांनानै राज्योआरि देहा सावस्रि मिरुआव थिसनजानाय जादोंमोनब्लाबो गाहाम फाहामथाइनि थाखाय (For Better Treatment) लखनौनि गंसे देहा फाहामसालियाव दैथायहरनाय जायो।

जेब्ला देहा फाहामगिरिया बे मुगैथाव जाथायखौ क्रिटिकेल महरै फोसावदोंमोन , लोगो लोगोनो दिल्लीनि पुलिस बिफाना दिल्ली बिरखं गाथोननिफ्राय साफ्दारजां देहा फाहामसालिसिम ग्रीन करिडर महरै फोसावदोंमोन। प्लासटिक सार्जारिनि बार्न खथा ( Burn Unit) याव फाहामथाइ सोलिबाय थानाय समावनो सुक्रबार खालि हराव 11: 40 रिंगायाव बिदाय लायो।

हान्जा जिनाहारिनि बुलि जानाय हिन्जावखौ साफ्दारजां हस्पितालनि देहा फाहामगिरिया फोरमायहरनाय खौरांनि बादिब्ला बिनि देहाया 11:10 रिंगायाव गोब्राब हालोद (Critical Condition) जों जुजियो। नाथाय 11:40 रिंगायाव जोबथा हां गारो। जों नाजासेयावबो बासायनो हायाखैसै।

हान्जा जिनाहारिनि बुलि जानाय हिन्जावखौ गोसोखांना गावनि बिदाया खौरांगिरिजों जानाय मुगा मुगि बुब्लियाव बुङो दि बियो (बिनानावा) थैलांनो नागिराखैमोन। आं बिनानावखौ समाय होना बुङो दायनिगिरि (Rapists) खौ गोख्रों आयेनारि राहा लानायजों साजा मोन्नांगौ होनना फोरमायो।

सोमोनांथाव खोथाया बेनो दि हान्जा जिनाहारिनि बुलि जानाय हिन्जावनि असे बिदा 26 बोसोर बैसोनि जिब जुनार फाहामगिरि (Veterinarian) या बुङो दि हाइद्राबादाव गावलायनाय जाथायाव दायनिगिरिया थैलांनायाव आं गोजोन्नाय मोनदों। आंनि बिनानावा थाबैनो न्याय मोनबाय।

Also Read :कक्राझार हाग्रा रैखाथि हान्जाया संदान्नायाव साल दंफांजों सानै सुरां फलाना हमजाबाय

Also Watch: CITU, SFI, AIKS, AIDWA,DYFI among others stage protest against BJP Government in Assam