Guwahati : आसामनि गुबुन गुबुन जिल्लायाव भारतारि नोगोरारिफोरनि भटार नायबिजिरनाय हाबाफारिया गोख्रोंथियै सोलिगासिनो दं। नाथाय बयनिख्रुइबो दुखुनांथाव खोथाया बेनो दि बे हाबाफारिनि कामरुप मेट्रपलिटान जिलायाव नांगौ रोखोमनि फोरमानथि सुफुंनायाव बिबानगिरिमोना गोजोन जायाखै। बे हाबाफारिखौ लानानै बिसायख'थि आयोगा गोनांथार माखासे राहा लादों, हादोरसायारि बिसायख'थि बिफाना थिन्नाय बादियै जिला बिसायख'थि बिबानगिरि (District Election Officer) खौ बुट लेभेल थाखोनि मावख'गोराफोरखौ जायफोरा दासिम हालागै अनलाइन सिस्टेमनि गेजेरजों भटार भेरिफाइ खालामाखै, बिसोरनि न'खर न'खर नायगिदिंनानै नायबिजिरनाय खामानियाव नांथाबना थिनहरदों।
मख'जाथावदि बे थिरांथाखौ भारत हादोरनि बिसायख'थि आयोग (Election Commission of India) आ नाजावनाय बिथोनाव लानाय जादों।
दि सेन्टिनेल खौरांलाइजों जानाय मुगा मुगि बुब्लियाव आसामनि गाहाइ बिसायख'थि बिफाननि सामलायगिरि (Chief Electoral Officer, Assam) बुङो दि गासैबो थाखोनि नंगुबै भारतारि भ'टार राज्यो-राजाया गुगल एपनिफ्राय भ'टार हेल्पलाइन एबा https://www.nvsp.in नि वेबसाइटाव सार्स खालामनानै गावनि मुं सुफुंसारनो हासिगोन। मख'जाथावदि बे बिसायख'थि नायबिजिरनाय हाबाफारिखौ सोलिफु दाननि 18 नबेम्बरनि गेजेराव फोजोबनो नांगोन।
मोनसे सुलु़ंनिफ्राइ मोनथिनो हानाय खौरांनि बादिब्ला दासिम हालागै हादोरसायाव बिसायख'थि नायबिजिरनाय हाबाफारिया 85 जौखोन्दो आवगायदों। राज्योनि गुबुन गुबुन जिलाया जोबोद बाङाइ बिबांनि नायबिजिरनाय फिथाइ दिन्थिदों, बेफोरनि गेजेराव कामरुप मेट्रपलिटान जिलायाव 64%, बेनि उनाव फारियै कामरुप जिलाया (70%), सुनितपुर (74%) मरिगाव आरो दरं जिलायाव (76%) ।
बेफोरनि गेजेराव बयनिख्रुइबो लोरबां महराव कामरुप मेट्रपलिटान जिलाया भ'टार नायबिजिरनाय हाबाफारियाव थि समनि गेजेराव मावफुंनो हायाखै। मानोना बुथ लेबेल थाखोनि बिबानगोरा मोना भ'टारनि जायगा एबा थाग्राखुलिखौ सिनायथिनो हायाखै। बेनि अनगायैबो गुबुन गुबुन भ'टार होगिरि राज्यो-राजाया गावनि थाग्राखुलि (Residence) खौ सोलाय सोल' खालामदोंबो।
गुबुन फारसेथिं जाय हादोरसानि गेजेराव कार्बि आंलं आरो डिमा हासाव जिला गंनैया भ'टार नायबिजिरनाय हाबाफारि (Voter's Verification Programme) नि सेथि मासि आवग्रिदों। जेराव हादोरसानि गं 8 बिधान सभा बियाब (Legislative Assembly Constituencies) फोराव 100 % जाफुंसार जानो हादों। बेफोरो जादों फारियै बतद्रबा, दिगबै,दिफु, गलाधाट, हाफलं, हाउराधाट, लाहवाल आरो तिनसुकिया।
आगोलनिफ्रायनो भारतारि बिसायख'थि आयोगनि गनायथि मोनजाखानाय माखासे नंगुबै फोरमानथि बिलाइ नाजावनायाव थिरांथा लादों, बेफोरनि गेजेराव दं पासपर्ट, बेंक पासबुक, आधार कार्ड, ड्राइभिं लाइचेन्स, रेसन कार्ड, सोरखारनि जायखिजाया गनायथि मोन्नाय फोरमानलाइ आरो आबादारिनि सिनायखांनाय बिलाइ ।
बेनि अनगायैबो गुबुन मोनथाम भ'टार नायबिजिरनाय मावथांखियाव फोरमानलाइ बाहायनो हागोन बेफोरो जादों फारियै पान कार्ड, स्मार्ट कार्ड आरो गावनि मुं थिखानाय दै, गेस आरो मोब्लिब गोहो फोनांनायनि फोरमानलाइ गथायनायजोंबो गावनि मुं सोफादेरनो हागोन।
Also Read : हाइदराबादाव गंनै रेलगाड़िनि गिख्रंथाव रेललामा जाब्रबथाइ जाथाय, सा द’ नि जोखोम
Also Watch: Assam Boxer Jamuna Boro visits her home town in Dhekiajuli