Tangla: दुलाराय हादोरजों लोगोसे राज्योनि दाब दाब जायगायाव हान्था मेला बिफाना जाबसिननाय गोदान मथर गारि आइन 2019 खौ सांग्रांथि जाना गारि सालायनाय, जाब्रबथाइनि अन्जिमा खमायलांनाय, गारि सारायगिरिखौ साग्रिद खालामनाय थांखियै भेरगाव महकुमा पुलिस (Bhergaon Sub divisional police) बिफाना टंला टाउनाव मोनसे सांग्रांथियारि हाबाफारि लायो।
रायदावनो गोनां दि 1 सेप्टेमबर निफ्राय गोदान मथर गारि आइन जाबसिन्नायनि गोबां सिफायग्रानि गेजेराव गिलिर बिबांनि जुरिमाना फोनांनायाव जेंनायाव भुगिनांनो गोनां जादों। मथर गारि आइनखौ सिफायग्रानि फ्राय रां खाजोना (Tax) बोखांनाया जोंनि खामानि नङा , सुबुंनि रैखाथि होनायासो जोंनि गिबि बिबान होन्ना बुङो भेरगाव महकुमा पुलिस बिबान गोरा निर्मल घष बिथांआ बुंबावो।
ट्रफिक पुलिस बिफाना गारि सालायगिरि फोरखौ मोनबो साजा फोनांङाखैमोन। लामा थाबायग्रा (Commuter's) खौ ट्रफिक आइनखौ मानिनानै सोलिनो खावलायो। ट्रफिक आइन मानिनानै सोलिनाय साफ्रोमबो गारि सालायगिरिखौ बारसे गलाप बिबार रानहोनानै गासैबो हेल्मेट गानहोना सालायनो बुंङो। राज्योआव सोलिबाय थानाय मा देबी दुर्गा फुजानि समाव ट्रफिक पुलिस हान्जाया सिट बेल्ट खायै,मबाइलाव खोथा रायज्लायना गारि सालायोब्ला, जो लोंनानै गारि सालायोब्ला, साथाम गाखोग्रा आरो हेल्मेट गानालासे गारि सालायगिरिखौ गोख्रों नोजोर लाखिनाय जागोन होन्ना फोरमायदों।
