क’कराझार, जानुवारि 9: सोलिफुबाय थानाय गोजां बोथोरनि पारलियामेन्टनि जथुमायाव आसामनि मोन 6 गुबुन गुबुन हारिसाफोरनि सुबुंफोरनो ST बिमुंनि गनायथि होनो नागिरनायखौ बड’लेन्ड जनजाति सुराक्सा मन्च (BJSM) आफादआ बेरेखा खालामदों आरो बुंदोंदि बे मावथांखि लानाया आसामआव जेंना लाबोगोन।
BJSM मावफुं आफादनि आफादगिरि डीडी नार्जारि बिथांआ बुङोदि, भारतीय’ जनता पार्टी दैदेन्नाय नेशनेल डेमक्रेटिक एलाइन्स (NDA) सरकारा आसामनि मोन 6 हारिसाफोरनो सेडियुल ट्रायब बिमुंनि गनायथि होनो थाखाय मंगलबाराव थांखि लादों, जाय थाखि लानाया गनायथाव नङा। बिथांआ बुंबावोदि, भारत सरकारआ आसामनि मोन 6 हारिसाफोरनो ST बिमुंनि गनायथि होनानै थाखानाय ST सुबुंफोरखौ बुथारनो थांगासिनो दं, जाय बिथांमोनहा ST बिमुंनि थाखाय गनायजाथाव नङा आरो क्रायटेरिया गैया, बेयो मोनसे राजखान्थि सार्टआव खामानि मावनाय होन्ना बिथांआ दाजाबदेरो। बिजेपि सरकारा ओनसोलनि थागिबि ट्रायबेल सुबुंफोरनि जिउखौ लानानै राजखान्थि गेलेदों होन्ना बिथांआ बुंबावो।
नार्जारि बिथांआ बुङो, आसाम हादोरसायाव कछ-राजबंसि मुंनि हारि गैयामोन आरो आडिवासि सुबुंफोरा गुबुन हादोरसानिफ्राय फैनाय, गुबुन गुबुन हारिफोरा फारफ्रोमबो बिथिंआवनो जौगाखांनाय, आरो सेडियुल ट्रायबनि आखुथाय गैया। मोन 6 हारिसाफोरनो ST बिमुंनि गनायथि होनायनि सिगां थाखाय ST सुबुंफोरखौ बिस दौनानै बुथारजोबदों होन्ना बिथांआ भारत सरकारखौ खावलायो। हादोरसायाव जिरायनाय गोयै दुंहाव थासारि सोमजिगोन, जुदि थाखानाय ST सुबुंफोरनि मोन्थायखौ हाद्रि बालाजों गलायनानै होयोब्ला हेन्ना बिथांआ हुमखि होयो। बिजेपि सरकारा थागिबि ट्रायबेल सुबुंफोरनि रैखाथि होग्रा नङा होन्ना बिथांआ बुंबावो।
बावैसो सिगांबो आसामनि मोनफ्रोमबो जिल्लाफोराव कर्डिनेशन खमिटि ऑव ट्रायबेल अर्गेनाइजेसन (CCTOA) आफादनि बान्जायनायाव बिथांमोनो ST बिमुं होनो नागिरनायखौ बेरेखा खालामनानै धर्ना होदोंमोन। फारसेथिं United Tribal Organisation आरो Tribal Belts and Blocks Protection Forum आफादफोराबो मोन 6 हारिसाफोरनो ST गनायथि होनो नागिरनायखौ बेरेखा खालामदों।
थारैनो बिथांमोनखौ ST गनायथि होयोब्ला BTC खुंथाया जोब्बाय आरो ट्रायबेलफोरनि हा-हुफोरा गुबुननि आखायाव थांबाय। गसुङै बुंनो थाङोब्ला भारत सरकार आरो आसाम सरकारा बर’ आरो गुबुन ट्रायबेल सुबुंफोरखौ.....।
