गुवाहाटी : अस'मिया माहारिनि राव हारिमु दोहोरोम समाजखान्थिखौ रैखाथि आरो थामोन्था होनायनि सम। जों माब्लाबाबो मिरु सोरखारा जाबसिन्ना होनाय सुबुं बेरेखा खामानि थावरिनो हानाय नङा होन्ना जांख्रिखांना बुंदों असम जातीयताबादि युब सात्र परिषद (AJYCP) आ। गेदेमा हारि रैखाथि फोजोबस्रांनायनि लामायाव हगारनायनिफ्राय गावखौनो-गाव बासायनो थाखाय राजा लामायाव ओंखारफैनाय रोजा रोजा राज्यो-राजानि गेजेराव साथाम लाइमोन सेंग्रायाबो बाहागो लाफैदोंमोन।
गुवाहाटी नोगोरमायाव खुंफुंजानाय मोनसे खौरां बिबुंसार (Press Conference) नि गेजेरजों असम जातीयताबादि युब सात्र परिषद (AJYCP) नि गाहाइ नेहाथारि (General Secretary) पलाश ज्योति सांमाइ फोरमाय हरनाय खौरांनि बादिब्ला जों सुबुंदारारि खान्थिजों गामि सामि, सोहोर नोगोर , हाजो हायेन गासैबो थाखोनि जायगायाव नोगोरारि सोदांनाय आइन नि हेंथायै नागारनाय गैयि सोमावसारनायखौ गोख्रोंनिफ्राय गोख्रोंसिन महर होनाय जागोन होन्ना फोरमायदों। आसाम बेरेखा आइन (Anti Assam Act) नि हेंथायै आयेनारि लामाजों जोंनि आनथोर गैयि जुजिनाया सोलिबाय थागोन।
दुलाराय गुवाहाटी नोगोरमायावनो खुंथाइ नि दारै कार्फिउ जाबसिन्नाया सोलिगासिनो दं , बे समावनो मैया अदेबानि शनिबार खालि असम जातीयताबादि युब सात्र परिषद (AJYCP) नि बान्जायनायाव गासै 6 धन्टानि थाखाय जिरायनाय खुद्रिसारनाय हाबाफारि (Sit in Demonstration) दिन्थिफुंनाय जायो।
थिग बिदिनो आरोबाव फैगो 16 डिसेम्बराव दुलाराय हादोरसा नाङैनो गासै 36 धन्टानि थाखाय गोख्रों उखैहाब सोमावसारनाय हाबाफारि (Hunger Strike) दिन्थिफुंनाय जागोन। आरो 18 डिसेम्बर निफ्राय गंफ्रोमबो गामि ओनसोलाव मेल मिथिं खुंफुंनाय जागोन आरो खुद्रिसार हान्जा सुरहैनायनि हाबाफारि आखायाव लानाय जादों। जायनि गेजेरजों सरासनस्रा राज्यो-राजाखौ नोगोरारि सोदांनाय आइन समाजाव आरो जर'खायै इयुन आथालखौ गोब्राब खहा खालामनो हाथाव बिलनि सायाव सांग्रांथि फोसाव हरनाय जागोन।
जों आरोबाव गुबुन मोनसे स्ल'गानजों आवगायलांनो सानदों, न का, येस आइ एल पि अदेबानि नोगोरारि सोदांनाय आइनखौ मानिया,माथो सिङाव हाबनायनि गनायथिखौ नागिरो। लोगोसे हादोरसानि राज्यो-राजाखौ आइन आब्रुथि गोनां आरो अहिंसा लामाजों खुद्रिसारनायाव बाहागो लाहैनो खावलायदों। नाथाय गोजोन हास्थायग्रा दोलो आफादनि बान्जायनायाव नोगोरारि सोदांनाय आइन नि हेंथायै सोमावसारनाय हाबाफारि खौ सोरखारा बोखावफ्लेनानै फाव फान्दायनि सोलोआव नांथाबदों होन्ना गोख्रों अ'जद दैखांङो फरायसा गौथुमनि दैदेनगिरिया। नाथाय जों राज्यो-राजानि आरो आसाम बिमानि थामोनथाखौ रैखाथि होनो थाखाय सोरखार एबा खुंथाइ गोहोआ जायखिजाया सोलो रनसायबावदों, बेखौ नेवसिनानै जों जोंनि थांखियाव नुजाथिफैगोन होनना हुमखि होयो।
