आसामाव रांखान्थि बिथिंआ यनान फोसाब जौगालु बिथांखि जों फोजौजागोन

गुवाहातिः एसिया हादरमानि रां बाख्रि जौगा (Asian Development Bank) आ सिन हादोरखौ जौगाखांहोनाय युनान नि फोसाब जौगालु (Yunan model) खान्थिखौ लानानै आसामनि रां खान्थि जौगानाय बिथिंनि थाखाय बाहायनाया गोनां बेखौ फोरमायदों।

मंगलबाराव भारत - बांलादेश मोननै हादोरनि मोजां गाज्रिनि लोगो लाज्लायनाय (Stakeholders') हाबाफारि जानायाव बेखेवनाय हाबाफारिआव बाहागो लानाफैनाय एसिया हादरमा रां बाख्रि जौगा (Asian Development Bank) हादोरनि गाहाय सामलालयगिरि केनिचि यकयामा ( Kenichi Yokoyama )। बिथाङा सिननि (China) यनान मदेल (Yunan model) खौ लोबबा लाखिनानै आसाम हादोराबो ओंथि गोनांबादियै मिथिंगायारि रैखा जौगासार आरो सोरगिदिं हा आवग्रिथाय फोरनि जुनियायै खालामोब्ला जौगागोन होनना बुङो।

सिन हादोरा युनान गोहो सिमान (Yunan Province) नि गेजेरजों मियानमार (Myanmar), ढाइलेन्ड (Thailand) आरो खाथि खाला नांजाबना थानाय नसुंसेयारि हादोरफोरजों लोगो लाज्लाय फालांगिफोर खालानायनि गेजेरजों जौगानाय महराव सोलायदों । भारत हादोरा युनान फोसाब जौगालु (Model) गोहो सिमान (Yunan Province) खौ आसाम जौगानायनि बिथिंखौ लानानै मोनसे जौगानायनि खामनिखौ मावनो बाहायनाया मोजां जागौ होनना एसिया हादरमा रां बाख्रि जौगा (Asian Development Bank) सामलायगिरि केनिचि युकयामा ( Kenichi Yokoyama ) आ बुङो। भारत - बांलादेश मोननै हादोरनि सिमानि गेजेराव जिउ खुंनाय राहाफोरा मोजां गाज्रिनि लोगो लाज्लायनाय (Stakeholders') हाबाफारि गेजेरजों थाबैनो जोंखांनांगौ बेखौ हास्थायो, थारैनो सा-सान्जा ओनसोला गेदेर मिथिंगायारि आरो गुबुन गुबुन फुंखाफोर मोननो थाङो, नाथाय रांखान्थियारि बिथिंआव रुजुना नायोब्ला जोबोद गाहाय होनना एसिया हादरमा रां बाख्रि जौगा (Asian Development Bank) सामलायगिरि केनिचि युकयामा ( Kenichi Yokoyama ) बिथाङा बुङो। सा बिलाइ आबादनि अनगायै गोबां रोखोमनि बायदि बायदि मुवा बेसाद फोरनि बिथिं फारसे गोनांथिखौबो साननांगौ दं होनना बिथाङा बुंबावो।

Also Read: बङाइगावआव नंखाय फैसाजों लोगोसे सासे सुबुंआ हमजादों

Also Watch: Man trampled to death by Wild Jumbo in Sonitpur