धेकियाजुलि,सेप्तेम्बर 6: आदिभासिनि AASAA आ ST बिमुं दाबिनायजों लोगोसे साहा बागानाव खामानि मावगिरिफोरनि सानफ्रोमबोनि रांखौ सानसेआव 350 रां, हाग्रा ओनसोलाव आदिभासि सुबुंफोरनो हानि सिनायथि एबा पाट्टा आरो बायदि बायदि आदिभासि सुबुंफोरनि जेंनाखौ सुस्रांना होनो थाखाय मंगलबाराव धेकियाजलि रिभेनिउ चार्कलनि साखाथिआव सनितपुर जिल्ला दालाय AASAA आ धर्ना होदों।
सनितपुर जिल्ला AASAA नि आफादगिरि अमरज्त केरकेटा बिथांआ खौरांगिरिनि सिगांआव बुङोदि, सरकारा जायजिया आफादनि देमक्रेटीक रावखौ बुजिनो रोङा। बिजेपि सरकारा बिसायखथिनि सिगां आदिभासि सुबुंफोरनि मोनफ्रोमबो जेंनाफोरखौ सुस्रांगोन होन्ना बुंदोंमोन नाथाय देरहानानै गोहो मोनखांनायनि उनाव बुंनाय खोथाफोरखौ नाथ्रोदना दोनहरनानै गादबनोसो नाजादों होन्ना बिथांआ बुङो।
AASAA नि सोद्रोमापोरा दाबिफोरखौ लानानै धेकियाजुलि रिभेनिउ चार्कलनि सिंजों गिबि मनट्रीनो गोसोखां बिलाइ दैथाय हरो होन्ना खौरां मोन्नाय जायो।
