कार्बि आंलं: सनिबाराव आलादा हादोरनि दाबिखौ लानानै गुबुन गुबुन हादोरसाफोरनि थागिबि सुबुंफोरजों लोगो नांनानै हादोरनाङैनो दाजानाय National Federation for New States (NFNS) आ मिरु सरकारखौ नारसिन्नो थाखाय कार्बि आंलं जिल्लायाव थानाय दिफुआव जयै सावराय मेल एबा प्रेस मिट लायो।
बे मेलाव गुबुन गुबुन हादोरसाफोरनि दैदेनगिरिफोरजों लोगोसे आसामाव आलादा राज्योनि सोमावसारगिरि दुलाराय बर’ फरायसा आफादनि आफादगिरि प्रमद बर’जों लोगोसे NDFB(P) नि आफादगिरि गबिन्द बसुमतारि बिथांआबो बाहागो लायो।
आफादगिरि प्रमद बर’ बिथांआ बुङोदि, “2019 माईथाया जोंनि थाखाय गोनां, जों अक्तबरनिफ्राय नबेम्बर सिमहालागै सोमावसारनायखौ गोख्रोंनिफ्राय गोख्रों खालामलांगोन”। जेब्ला खौरांगिरिआ सोङो अब्ला बिथाङा बुंबावोदि, “मिरु सरकारा रांखान्थिनि फारसेल’ नोजोर होगासिनो दं नाथाय हारिनि सिनायथि, राव आरो हारिमुखौ नोजोर होआखै”।
