गुवाहाटी,सेप्तेम्बर 24: आसाम पुलिसआ 1 अक्तबर आसाम पुलिस गोथार सानखौ लोब्बा लानानै गुवाहाटी नोगोनमानि गेजेराव थानाय उलुबारिआव फरायसालिनि फरायसाफोरनि गेजेराव सावगारि आखिनाय बादायलायनाय हाबाफारि लानो थाखाय साखाफारा जाबाय।
खौरां मोन्नाय बादिब्ला सावगारि आखिनाय बादायलायनायखौ मोनथाम खोन्दोआव बोखावनाया जादों, गिबि खोन्दोआव थाखौ नै निफ्राय लानानै थाखो ब्रै सिम, नैथि खोन्दोआव थाखो बा निफ्राय लानानै थाखो स्नि सिम आरो थामथि खोन्दोआव थाखो दाइन निफ्राय लानानै थाखो जि सिम बोखावनाय जादों।
जोबनायाव आसाम पुलिसनि DGP कुल्दार सायकिया बिथांआ बान्था रान्ना होगोन आरो बादायलायनायाव बाहागो लागिरिफरोनि बिमा बिफाजों रायज्लायगोन होन्ना खौरां मोन्नाय जायो।
