उदांस्रि सानआव गाहाय मनट्रीनि मोन जि बिबुंथिफोर

गोदान दिल्ली: बुधबाराव गाहाय मनट्री नारेन्ड्र मोदीआ 72थि भारत उदांस्रि सानजों लोब्बा लानानै गोदान दिल्लीआव थानाय रेड पर्दआव भारतनि मोनथाम गाबनि फिरफिलाखौ बिरहोयो आरो भारत हादोरनि जौगाबोनाय बिथिंखौ नोजोर बोनानै बिबुंथि लाखियो। बिथांनि माखासे नायनो गोनां बिबुंथिफोरखौ गाहायाव होनाय जाबाय।

जेब्ला भरत हादोरा इं 2022 माइथायाव 75थि उदांस्रि सानखौ फालिगोन अब्ला भारत हादोरा उदांस्रि सानखौ अख्रांआव फालिगोन। बिथांआ बुङोदि, “भारत हादोरा आख्रां बिगियानआव गोबां जौगाबाय, बेनिखायनो जों थांखि लायोदि- 2022 माइथायनि सिगां, नङाब्ला जेब्ला 75 भारत उदांस्रिआ 75 बोसोर जागोन अब्ला भारतनि फिसाला आरो फिसाजोफोरा आखायाव मोनथाम गाबनि फिरफिला लानानै ‘अख्रां मिशन 2022’जों अख्रांआव थांगोन”। अब्ला आमेरिखा, रासिया आरो सिन हादोरफोरनि उनाव भारत हादोरा ब्रैथि हादर जागोन जाय हादोरान फिरफिलाखौ अख्रांआव बिरहोदोंमोन।

https://twitter.com/PMOIndia/status/1029559151989596160

आयुसमेन भारत, जायखौ गुबैयै ‘Modicare’ होन्नानै मिथिनाय जायो, बे खाबुखौ फैगौ सेप्तेम्बर दाननि 25 अक्तआव फोसावगोन, जेब्ला भारतिय जन शंगनि गायसंगिरि दिन दयाल उपादयानि जोनोम सानखौ फालिगोन होन्नानै गाहाय मनट्री नारेन्ड्र मोदीआ बुङो। बे मावथांखिनि गेजेरजों भारतनि गोग्लैसोनानै थानाय न’खरफोरनि 5 लाखनिफ्राय 10 कौटी रांनि मुलाम्पा मोन्नो हागोन।

https://twitter.com/PMOIndia/status/1029562353896046592

72थि उदांस्रि सानआव गाहाय मनट्रीआ बोसोन होनाय बादियै गोग्गानानै बुङोदि, भारत हादोरा गोबां जौगाबोबाय, बिदिन्थि बादियै ट्रायबेल फरायसाफोरा माउन्ट एभारेस हाजोखौ गाखोनो हाहैबाय, आरो भारतनि हिन्जाव माहारिआ खोला पल (South Pole) आव थांनो हाबाय, होन्ना बिथांआ बुङो।

कंग्रेस दोलोखौ नोजोर होनानै बुङोदि, जुदि जों बबेनिफ्राय जागायबोदोंमोन बेखौ नायाब्ला, जों बेसेबाव गोजानाव मोनफैखो बेखौ मिथिनाय नङा, जुदि जों 2013 खौ जागायनाय बोसोरनि गुदि सम हमोब्ला, दानि जौगाबोनायखौ नायनानै नोंथांआ सोमोनांगोन। बुहुमनि सुबुंफोरा मोब्लिब गोहोखौ सावरायो। बिथांआ बुङोदि, “उन्दुना थानाय मैदेरा सिखारनानै थाबायनो जुरिबाय”।

गाहाय मनट्रीआ हिन्जाव माहारिखौ नाथ्रोदना दोन्नायखौ गोख्रो रावजों सोंकारिनानै हुमखि होयो। बिथांआ बुङोदि, जिनाहारि खालामग्रा सुबुंखौ एरैबादि साजा होगोन जिनाहारि खालामजानाय सुबुंआ जेसेबां साजा मोनो बेनिख्रुय बांसिन। हादोरनि आयेनआ बयनिबो थाखाय समान रावबो आयेनखौ आखायाव लानो हाया होन्ना बिथांआ बुङो।

बिथांआ काश्मिरखौ लानानै बुङोदि, अटुल बिहारि भाजपेनि मोन्थोर- इंसानियत, कश्मीरियत आरो जम्हूरियतजों थांनो लुबैयो। बे लामाजों जों दावगालांनो लुबैयो, गुलि- बारुदजों नङा, मुगैज्लायनायजों नङा, जों काश्मिरनि समाज सिबिलु बिथांमोनखौ अनसायनानै आखाय हमलायनानै दावगालांनो लुबैयो, हेन्ना बिथां मोदीआ बुङो।

https://twitter.com/PMOIndia/status/1029567525409964032

दिनै भारत हादोरा बुहुमनि गेजेराव मोजां मुं मोन्नानै गसंना दं, दिनैनि दिनाव जायकिजाया भारतनि सोरबा सुबुंआ गुबुन हादोरफोराव थाङोब्ला मोनफ्रोमबो हादोरफोरा बयखौबो बरायो, भारतनि पासपर्टनि गोहोआ बांबाय होन्ना बिथांआ बुंबावो।

मुसलमानफोरनि ‘ट्रिपल टालाक’ आयेननि बेरेकाफोरखौ बोखारजोबगोन जुदि बेफोरो गनायजाथाव नङा होन्ना खोथा होयो। सा-सान्जा ओन्सोलाव थानाय Arms Force Special Power Act (AFSPA) खौबो बोखारगोन होन्ना बिथांआ बुंबावो।

https://twitter.com/PMOIndia/status/1029566797853466625

गाहाय मनट्रीआ उदांस्रि साननि बिबुंथिनि गेजेरजों सुबुंफोरनिफ्राय हादोरमायाव जौगालु हाबाफोर लावलांनो बिथोन हांख्रायहरदों। जिनाहारि खालामनाय, थोंजों मुगैनाय, कोटा आरो सोलोंथाय बिथिंफोरनि माखासे बिथोनफोरखौ My.Govt.in नि बिलाइआव मोन्नाय जादों होन्ना खौरां मोनो।

मुगलनि समाव आन्थायजों लुलांनाय रेड पर्द आरो भारतनि राजथावनिआव गोबां रैखाथि हान्जाफोरखौ थिसन्नाय जादों होन्ना खौरां मोनो, गासै सा 70 रोजा दिल्ली पुलिसफोरखौ उदांस्रि सान फालिनायाव सांग्रांथि थाहोदोंमोन होन्ना खौरां मोनबावनाय जायो।