गुवाहाटी,सेप्तेम्बर 3: जेंना गोनां होन्ना मिथिखानानै हजाय जिल्लानि बिजेपि दोलोनि एम.एल.ए सिलादित्त’ देव बिथांआ आरोबाव फिन खेबसे जेंना सोमजिहोनो नाजाबावो। बिथांआ बुङोदि, आसामाव एन.आर.ची सोदांनाय खामानिनिफ्राय असमिया माहारिआ जेबो मुलाम्पा गैया नाथाय गोबां खहासो दं।
एन.आर.ची सोदांनाय खामानिफोरा हादोरसानि मोनफ्रोमबो जौगाखां खामानिफोरखौ थालांगासिनो दं आरो एन.आर.ची सोदांनाय खामानिआव बाहायनाय नोगोत 1’200 कौटी रांआ जाम्पैजों बोहैगारलांबाय होन्ना बिथांआ बुंबावो।
एन.आर.चीआ आसामाव बांग्लादेसि मुसलमानफोरखौ नोगोरारि थामोन्थासो होगासिनो दं, बे असमिया माहारिखौ रैखाथि होआ नाथाय फोजोबस्रांगोनसो होन्ना बिथांआ दाजाबदेरो।
