गुवाहाटी,सेप्तेम्बर 26: मंगलबाराव राताबारि बियाबनि बिजेपि दोलोनि MLA क्रिपानात माल्लाह बिथांआ आसाम बिधान सभायाव खालि जानानै थानाय डिपुटी बुंथिगिरिनि मासिखौ रुजुन्नानै लानो थाखाय सुफुं बिलाइआव मुं थिसन्नानै बिधान सभायाव जमा होदों।
सुफुं बिलाइआव मुं थिसन्नानै जमा होनायनि समआ मंगलबाराव एबा मैया जोबनायलाय बिथांआ हारसिं जायो आरो रावबो बेरेखा बिजाथि गैयैलाय बिथांआनो आसाम बिधान सभानि डिपुटी बुंथिगिरिनि मासिखौ मोनसिनो होन्ना मिजिं थिदों।
मखनो गोनांदि, बिजेपि दोलोनि MLA दिलिप पौल बिथांआ थांनाय में दानाव आसामनि बिधान सभा डिपुटी बुंथिगिरिनि मासिनिफ्राय आखाय दैखांनायलाय 5 दाननिफ्रायनो लांदां जानानै दंमोन।
