गुवाहाटी,सेप्तेम्बर 22: गुवाहाटी नोगोरमानि गेजेरजों जायखिजाया मोन 10 साखा एबा बांसिन साखा गोनांफोरखौ हाबनो मोनला होन्ना ट्रेपिक बिफान्नि पुलिस डिपुटी खमिसनार अमानजित खौर बिथांआ पोसावदों।
बे आयेना थांनाय ब्रिहस्पथिबारनिफ्राय जादों होन्ना मिथिनो मोनो, जाय आयेननि गेजेरजों राजा लामानिफ्राय नोगोरमानि गेजेरजों मुवा बेसाद लांलाय लाबोलाय खालामग्रा मोन 10 साखा गोनां एबा बांसिन साखा गोनां ट्राकफोरा हाबनो मोनला।
गोबां ट्राकफोरा थाब थाब मुवा बेसादफोरखौ बाख्रि एबा दोनथुमग्रा जायगाफोराव गथायनो थाखाय मोनानि समाव लामाफोरखौ दानखेनानै थांगासिनो दं, जायनि जाहोनाव सुबुंफोरनि रैखाथि आरो ट्रेपिक जामफोरा बांलांगासिनो दं।
फारसेथिं पुलिस कमिसनारा गोनांथार मुवा आरो दसे समनि गेजेरावनो गेसेव जालांग्रा मुवाफोरखौ स्पेसियेल पार्मिसन होगोन होन्ना मिथिहोनाय जायो।
