गुवाहाटी,सेप्तेम्बर 3: गुवाहाटी नोगोरमायाव बांद्राय अखा हानायनि जाहोनाव नोगोरमानि थागिरि सुबुंफोरा सिरिमोनदों। हरखाब अखा हानायाव नोगोरमानि गोबां जायगाफोर फारियै जि.एस.रड, जु रड, दाउन टाउन, अनिल नोगोर, माथुरा नोगोर, नारेंगि हाउसिं खलनि, पाटर कन्वारि, नारेंगि, आरो गुबुन गुबुन जायगाफोरा दै लोमदों। 37 नं राजा लामानि खानाफारायाव थानाय जौखां दालांनि सिङाव दै बानाया लोमनानै हान्मोथामेला बिथिंआव जेंना खालामदों।
दायमरिया: कामरुप जिल्ला खुंथाया थांनाय साननै सिगां जराबाद ओनसोलनि लामा सेराव न’ लुनानै थानाय आरो माखासे जायगाफोरखौ बोखारदोंमोनब्लाबो जराबादनि 10 माइल ओनसोलाव दै बाना सोमजिदोंमोन होन्ना खौरां मोनो। दै बानानि जाहोनाव दावबायारिफोरा नै घन्टासो जायगा लानानै थानांदोंमोनब्लाबो दै बानानि उनावबो लामाफोरा गुरै हाब्रुजों खौबजानायाव हान्थामेलायाव जेंना खालामदों होन्ना खौरां मोन्नाय जायो।
