निकासि/गुवाहाटी,नबेम्बर 6: हादोरसानि मोन 26 जिल्लाफोराव दिसेम्बर दाननि 5 आरो 9 अक्टआव खुंजानो लागा पन्चायत बिसायखथिआ 6थि सेडियुव ओनसोल जानायनि थाखाय बड’लैन्ड हालामाव जायाब्लाबो बिटिचीनि बाहेरायाव थानाय ओनसोलफोराव गुबुन गोरोबथा दोलोफोरखौ गोख्रोङै हेफाजाब होनो थाखाय बिपिएफ राजखान्थि दोलोआ थांथि लायो।
बिपिएफ दोलोनि आफादगिरि हाग्रामा महिलारि, जाय बिथांआ बिटिची खुंथायनिबो गाहाय, बिथांआ बुङोदि- “बिपिएफ दोलोआ गोरोबथा जानाय हान्जाफोरखौ मानिगोन आरो जि जायगायाव बिपिएफ दोलोनि गोख्रों भट होगिरिफोर दं, बे जायगायाव गोरोबथा हान्जानि बिजाथिनो भट होगोन”।
“जि गामिआव जों गोख्रों बे गामिआवल’ जों बिजाथिखौ थिसनगोन, गुबुन गुबुन बियाबफोराव जों असम गन’ परिसद आरो भारतिय’ जनता पार्टिनि बिजाथिफोरखौ गोख्रोङै हेफाब होगोन” होन्ना महिलारि बिथांआ निकासिआव जानाय बिपिएफ दोलोनि 67थि एक्झुकेटिवनि जथुमायाव बुङो।
मख’नो गोनांदि बड’लैन्ड पिपल्स प्रन्ट (बिपिएफ) दोलोआ दानि आसाम सरकारनि खुंथायाव थानाय भारतिय जनता पार्टि आरो असम गन’ परिसदजों गोरोबथायाव दं।
