मुम्बाइ,फेब्रुवारि 18: मुंदांखा बलिउदनि हाथर्कि, फाउखुंगुर अक्शय कुमार बिथांआ थांनाय ब्रिहसिपथिबारखालि जम्मु आरो काश्मीर हादोरसानि पुलवामा जिल्लायाव पाकिस्तान हादोराव जोनोम मोन्नाय जाइस-इ-महामद उदखारि हान्जानि गाग्लोबनायाव भारतीनि रौनिया हान्जानि सीआरपीएफ दोलोनि सा 40 निबो बांसिन सोद्रोमाफोरनि मुंख्लं जालांनायखौ जोबोद दुखुमोन्नाय फोरमायो। जाय गाग्लोबनायाव थांनाय 5 बासोरनि गेजेराव बयनिख्रुयबो देरसिन गाग्लोबनाय। बे गाग्लोबनायखौ हादोरनाङैनो साफ्रोमबो दुखुमोन्नाय फोरमायदों। बेफोरखौ नोजोर होनानै अक्शय कुमार बिथांआ उदखारिनि गाग्लोबनायाव मुंख्लं जालांनाय नखरफोरनि थाखाय अनसुंथाय होनो गोसो गुदुं जानाय सुबुंफोरखौ उनसुंथाय होनो खावलायहरदों।
खौरां मोन्नाय बादिब्ला बलिउदनि फाउखुंगुर अक्शय कुमार बिथांआ गावनो मुंख्लंनि नखरफोरनि थाखाय गासै 5 कौटी रां उनसुंथाय होनो सिगांबोयो। बिथांआ भारत सरकारनि नखर बिफान्नि मुंख्लंफोरनि मुङाव रां थुबुर खालामनाय मावफारिया बादियै “भारत की भीर” नि मुंआव अनसुंथाय होनो साखाफारा जायो।
51 बोसोर बैसोनि मुंदांखा फाउखुंगुर अक्शय कुमार बिथांआ गावनि टुयेटार एकाउनजों गावनि 30 मिलियन फलवारफोरखौ गुरैयै खावलायो। बिथांआ बुंदोंदि, “#Pulwama is something we cannot & will not forget. We’re all angry & it’s time to act. So act now, donate to the martyrs of Pulwama on bharatkeveer.gov.in. There’s no better way to pay homage to them & show your support. This is the only official site, pls don’t fall prey to fakes,”।
फाउखुंगुर अमिटाव बच्चन बिथांआबो मुंख्लं जालांनाय नखरफ्रोमनोबो नखरसेआव 5 लाख खरै रांनि अनसुंथाय हरनो थिरांथा लायो। मुंख्लं जालांनाय सोद्रोमाफोरा गासै सा 49 आव बांलांबाय। अमिटाव बच्चान बिथांआबो गावनि टुयेटार एकाउनजों बुंदोंदि, “The number of the martyrs has gone up to 49.. I’m contributive for currently 50 .. that’s ₹2.5cr,”। फाउखुंगुर बिथांनि बुंथिगिरिआबो खौरां बिजोंआव मिथिहोयोदि “Yes, Mr. Amitabh Bachchan will give ₹5 lakh to each of the soldiers’ families and is currently finding out the correct process to do so,”।
सावथुन दिहुनगिरि रनि स्क्रिउवाला बिथांआबो गावनि सुबुं सावस्रिनि (Social Media) नि गेजेरजों बुङोदि, “थांनाय 2016 माइथायनि उरि उदखारिनि गाग्लोबनायाव मुंख्लं जालांनाय नखरफोरनो रांनि अनसुंथाय हरनायनि माखासे रांआ दानि पुलवामा गाग्लोबनायाव मुंख्लं जालांनाय नखरफोरनिसिम थांगोन”।
मुंदांखा मेथाय रोजाबगिरि बादसा बिथांआबो सीआरपीएफ रौनिया हान्जानि बिसिफोरनि थाखाय CRPF Wives Welfare Association fund आव गासै 31,0000 लाख रांनि अनसुंखायखौ गावनि इन्सटाग्राम एकाउनजों फोसावो। बिथांआ बुंदोंदि, “What happened in Pulwama can neither be forgotten nor forgiven. But it’s time to let our soldiers know that we stand with them. Many of the shaheed jawans have left their families without any earning sources. It is time to contribute and help their families, children and wives and parents. To show them that we all stand with them and assure them of a future full of opportunities. Please donate through various platforms available. Whatever amount you can. Remember, they protect us and keep us safe and they deserve every bit of help and support. Donate Karo, contribute karo. JAI HIND,”।
फारसेथिं बार्ग क्रकेट गेलेगिरि भिरेन्डर सेवाग बिथांआबो बिर जोहोलावफोर मुंख्लं जालांनाय नखरफोराव थालांनाय गथ’गथायफोरनि फरायनायाव गोनां जानाय गासै रांखौ रुजुनगोन होन्ना समायखिरा लायो। बिथांआ बुंदोंदि, “Nothing we can do will be enough, but the least I can do is offer to take complete care of the education of the children of our brave CRPF jawans martyred in #Pulwama in my Sehwag International School @SehwagSchool, Jhajjar. Saubhagya Hoga,”।
बक्सिं गेलेगिरि, भिजेन्डर सिंह, जाय बिथांआ हारियाना पुलिसनि बिबानगिरि, बिथांआबो गावनि दान मोनसेनि मान दान बान्थाखौ पुलवामा गाग्लोबनायाव मुंख्लं जालांनाय बिर जोहोलावफोरनि मुंआव बिथांमोनि नखरफोराव अनसुंथाय हरनो साखाफारा जायो। बिथांआबो गावनि टुयेटार एकाउन्टआव लिरदोंदि, “I’m donating my one month’s salary for the martyrs of #PulwamaTerrorAttack and want everyone to come forward and support the families. It is our moral duty to always standby them and make them feel proud of their sacrifices. Jai Hind,”।
